ហង្សក្រហម Liverpool ពិតជាខ្លាំងមែនទែន អាចយកឈ្នះក្រុម Watford បានដល់ទៅ ៥-០ ឯណោះក្នុងការប្រកួតលីគកំពូលអង់គ្លេសនាយប់មិញនេះ។
ក្រោយពីស្មើ Man Utd កាលពីប្រកួតកន្លងទៅ ក្រុមហង្សក្រហមបានបង្ហាញសមត្ថភាពរបស់ខ្លួនវិញហើយក្នុងការប្រកួតយប់មិញ។ ពួកគេរកបានដល់ទៅ៥គ្រាប់ក្នុងប្រកួតនេះ ដោយកើតចេញពី Mane ២គ្រាប់នាទី ៩ និង២០ Origi ១គ្រាប់នាទី៦៦ និង Van Dijk ២គ្រាប់នាទី៧៩ និង៨២។ នេះជាជ័យជម្នះធំធេងមួយសម្រាប់ក្រុម Liverpool ដើម្បីរក្សាខ្លួនឈរនៅកំពូលតារាងដដែល។
គេសង្កេតឃើញថានៅយប់មិញនេះ ក្រុមខ្លាំងៗនៅអង់គ្លេសឈ្នះទាំងអស់តែម្ដង។ ដោយ Arsenal ឈ្នះ Bournemouth ៥-១ ក្រុម Man Utd ឈ្នះ Crystal Palace ៣-១ ក្រុម Chelsea ឈ្នះ Spurs ២-០ និងក្រុម Man City ឈ្នះ West Hame ១-០៕ប្រភព៖ Dailymail
