ខ្សែប្រយុទ្ធ Roberto Firmino បានចាត់ទុកការនិយាយស្ដីរបស់ Sergio Ramos ថាជាមនុស្សឆ្គូតៗ និយាយមិនសមជាកីឡាករអាជីពឡើយ។
ម្សិលមិញនេះ Ramos បានបាញ់ចុកៗទៅលើកីឡាកររបស់ក្រុម Liverpool ថា៖ “Salah ទាញដៃរបស់ខ្ញុំមុន ដៃម្ខាងទៀតរបស់គេរងរបួស ពួកគេនិយាយថាខ្ញុំបានប្រើចលនាយូដូទៅលើគេ។ បន្ទាប់មក អ្នកចាំទីនិយាយថា ខ្ញុំបានធ្វើឱ្យគេភាំងបាត់ស្មារតី (បន្ទាប់ពីប៉ះទង្គិចជាមួយខ្ញុំ)។ ខ្ញុំនៅមិនទាន់ឮតែ Firmino និយាយថាគេផ្ដាសាយដោយសារតែញើសរបស់ខ្ញុំស្រក់លើគេទេ”។
ការនិយាយរបស់ Ramos បានធ្វើឱ្យ Firmino មិនពេញចិត្តនោះទេ ត្បិតអីកីឡាករប្រេស៊ីលរូបនេះ មិនបាននិយាយអ្វីប៉ះពាល់ដល់ក្រុម Real Madrid ឬសាមីខ្លួន Ramos ឡើយ នៅពេលចប់ការប្រកួតទៅ។ កីឡាករកំពុងលេងឱ្យប្រេស៊ីល ត្រៀមទៅ World Cup នេះ បានបញ្ជាក់សម្ដីដែល Ramos ថាដាក់រូបគេនោះ គឺជាសម្ដីមនុស្សឆ្កួតៗប៉ុណ្ណោះ។ នេះមិនសមជាសម្ដីរបស់អ្នកឈ្នះជើងឯកនោះទេ រូបគេឈ្នះហើយគួរតែស្ងប់ចិត្តទៅ៕ប្រភព៖ GOAL
