ក្រុម Chelsea នឹងមិនដាក់អ្នកចាំទី Kepa នោះទេ ក្នុងការប្រកួតទល់ក្រុម Spurs នៅរាត្រីនេះ ក្នុងលីគកំពូលអង់គ្លេស ក្រោយពីរងការរិះគន់ច្រើន។
Kepa បានបំពាន មិនស្ដាប់លោក Sarri ឱ្យប្ដូរចេញ ក្នុងការប្រកួតទល់ក្រុម Man City ពានរង្វាន់ League Cup វគ្គផ្ដាច់ព្រ័ត្រ។ កត្តានេះ បានបណ្ដាលឱ្យក្រុម Chelsea បរាជ័យក្នុងការទាត់បាល់ប៉េណាល់ទីកាត់សេចក្ដីក្នុងប្រកួតនេះ។ ការមិនស្ដាប់បញ្ជាគ្រូបង្វឹកនេះ បានធ្វើឱ្យក្រុមការងារបស់តោខៀវផ្ទាល់ ខឹងខ្លាំងមែនទែន។ ក្រោយចប់ការប្រកួត ក្លឹប Chelsea បានចេញសេចក្ដីប្រកាសថា ពិន័យអ្នកចាំទីអេស្ប៉ាញម្នាក់នេះ ដោយមិនបើកប្រាក់សប្ដាហ៍១សប្ដាហ៍។
ស្របពេលការប្រកួតនៅរាត្រីនេះវិញ ដែលក្រុម Chelsea ត្រូវប៉ះ Spurs នោះ ត្រូវបានគេមើលឃើញថាលោក Sarri ក៏នឹងមិនដាក់អ្នកចាំទីខាងលើដែរ។ ដោយអាចនឹងប្រើអ្នកចាំទីដៃទី២ Willy Caballero វិញ។ នេះជាការព្រមានមួយដែលលោក Sarri អាចនឹងធ្វើឡើងសម្រាប់កីឡាករដែលមិនស្ដាប់តាមការណែនាំរបស់គ្រូបង្វឹក៕ប្រភព៖ Theguardian