ខ្សែការពារ Sergio Ramos អាចនឹងជាប់ពិន័យ២ប្រកួត ដោយសារតែទង្វើរបស់ខ្លួនចង់បានកាតលឿងពីអាជ្ញាកណ្ដាលក្នុងការប្រកួតទល់ក្រុម Ajax កាលលេងនៅ UEFA Champions League ។
ខាង UEFA កំពុងតែស៊ើបអង្កេតចំពោះទង្វើរបស់ Ramos ក្នុងការប្រកួតទល់ក្រុម Ajax ដែលកីឡាកររូបនេះត្រូវបានគេសង្ស័យថាមានចេតនាចង់បានកាតលឿនតែម្ដងពីអាជ្ញាកណ្ដាល។ រូបគេបានបង្កកំហុសទៅលើកីឡាករ Kasper Dolberg នៅនាទី៨៩។ យើងទៅតាមច្បាប់ ប្រសិនបើកីឡាករមានចេតនាមែន នោះរូបគេនឹងត្រូវអវត្តមាន២ប្រកួតឯណោះ។
ហេតុអ្វីបានជា Ramos ចង់បានកាតលឿងនេះ? កាតលឿង១នេះដែរ គឺជាកាតលឿងទី៣សម្រាប់ Ramos នារដូវកាលនេះ ដូច្នេះមានន័យថារូបគេនឹងអវត្តមាន១ប្រកួតនៅជើងទី២ប៉ះក្រុម Ajax ។ ហើយនឹងអាចលេងបានវិញនៅប្រកួតបន្ទាប់វគ្គ៨ក្រុមចុងក្រោយ ប្រសិនបើ Real Madrid អាចឡើងទៅវគ្គបន្ដបាន។ ខាង UEFA ដាក់ការសង្ស័យរឿងនេះ ថាជាចេតនារបស់ Ramos ផ្ទាល់ ដើម្បីលុបកាតលឿងរបស់ខ្លួនឱ្យអស់ មុនពេលចូលលេងវគ្គ៨ក្រុមចុងក្រោយ៕ប្រភព៖ Dailymail
