Solskjaer ​ថា​ក្រុម Liverpool ​មិន​ទាន់​ល្អ​គ្រប់​គ្រាន់​ដើម្បី​ឈ្នះ​លីគ​ទេ

លោក Ole Gunnar Solskjaer ​អ្នក​ចាត់ការ​បណ្ដោះអាសន្ន​របស់​ក្រុម Manchester United ​គិត​ថា​បច្ចុប្បន្ន​នេះ ​ក្រុម Liverpool ​មិន​ទាន់​ល្អ​គ្រប់​គ្រាន់​ក្នុង​ការ​ឈ្នះ​លីគ​កំពូល​អង់គ្លេស​ទេ។

United ​បាន​ទប់​ក្រុម​កំពូល​តារាង Liverpool ​បាន ០-០ ​ក្នុង​ការ​ប្រកួត​កន្លង​ទៅ​នេះ។ លទ្ធផល​នេះ​ដែរ ​បាន​ធ្វើ​ឱ្យ​ក្រុម Liverpool ​មិន​សប្បាយ​ចិត្ត​ឡើយ ​ត្បិត​អី​ចំណាត់​ថ្នាក់​លេខ​១​កំពូល​តារាង​របស់​ខ្លួន ​គឺ​ក្រុម Manchester City ​កំពុង​តាម​កៀក​មែនទែន។ ដោយ​បច្ចុប្បន្ន​នេះ​ឆ្លង​កាត់​២៧​ប្រកួត គឺ​ក្រុម Liverpool ​មាន​៦៦​ពិន្ទុ ​និង​ក្រុម Man City ​មាន​៦៥​ពិន្ទុ។

ទន្ទឹម​គ្នា​នឹង​ការ​ប្រដេញ​នេះ​ដែរ ​លោក Ole Gunnar Solskjaer យល់​ឃើញ​ថា​ក្រុម​ហង្ស​ក្រហម​អាច​នឹង​មិន​បាន​ពាន​រង្វាន់​ឡើយ​នៅ​ឆ្នាំ​នេះ ​បើ​តាម​សមត្ថភាព​ដែល​ពួកគេ​លេង​បច្ចុប្បន្ន។ នេះ​មាន​ន័យ​ថា​លោក Ole ​ជឿ​ជាក់​ថា Man City ​នឹង​អាច​ការពារ​តំណែង​ជើង​ឯក​បាន​ដដែល៕ប្រភព៖ Dailymail

ភ្ជាប់ទំនាក់ទំនងជាមួយ CTS SPORT