លោក Diego Simeone អ្នកចាត់ការក្រុម Atletico Madrid ត្រូវ UEFA ពិន័យចំពោះទង្វើមិនសមរម្យរបស់ខ្លួន អបអរគ្រាប់បាល់ដែលកូនក្រុមស៊ុតចូល Juventus កាលពីប្រកួតកន្លងទៅ។
រំលឹកទៅប្រកួតមុន ក្រុម AT Madrid បានយកឈ្នះលើក្រុម Juventus ២-០ នៅទឹកដីរបស់ខ្លួន។ គ្រាប់១គ្រាប់ដំបូងដែលរកបានក្នុងប្រកួតនេះ ត្រូវបានលោក Simeone ដែលជាអ្នកចាត់ការសប្បាយចិត្តជាខ្លាំង រហូតអបអរក្បាច់គ្រវីពងថែមទៀត។ កាយវិការមិនសមរម្យនេះ បានធ្វើឱ្យអ្នកគាំទ្រយកទៅបង្ហោះនៅលើបណ្ដាញសង្គមជាច្រើន រហូតដល់សាមីខ្លួនបានចេញមុខមកសុំទោសផងដែរ។
ទន្ទឹមគ្នានឹងការសុំទោសនេះ ខាង UEFA ក៏បានសម្រេចពិន័យអ្នកចាត់ការរូបនេះដែរ។ ដោយអាចនឹងអវត្តមាន១ប្រកួតបន្ទាប់។ ប៉ុន្តែទន្ទឹមគ្នានឹងការពិន័យនេះ ក៏បញ្ជាក់ឱ្យខាងលោក Simeone តវ៉ា ឡើងវិញដែរ ដើម្បីរួចផុតពីការអវត្តមានបញ្ជាកូនក្រុម១ប្រកួត៕ប្រភព៖ Dailymail
