Kepa ​ត្រូវ Chelsea ​ពិន័យ​អត់​ប្រាក់​លុយ​ឱ្យ​១​អាទិត្យ ​ព្រោះ​មិន​ស្ដាប់​គ្រូ

អ្នក​ចាំ​ទី Kepa ​ត្រូវ​ក្លឹប Chelsea ​ពិន័យ​កាត់​លុយ​១​សប្ដាហ៍ ​ចំពោះ​ទង្វើ​របស់​គេ ដែល​មិន​ព្រម​ប្ដូរ​ចេញ​តាម​ការ​បញ្ជា​របស់​ក្រុម​គ្រូ​បង្វឹក​កាល​លេង​នៅ League Cup ​ម្សិលមិញ​នេះ។

ក្រុម Chelsea ​បាន​ចាញ់​បាល់​ប៉េណាល់ទី Man City ​ក្នុង​ការ​ប្រកួត​ពាន​រង្វាន់ League Cup ។ គេ​នៅ​ចាំ​បាន​ថា​គ្រា​នោះ ​លោក Sarri ​បាន​ព្យាយាម​ប្ដូរ​អ្នក​ចាំ​ទី Kepa ​ចេញ​នៅ​ចុង​ម៉ោង ដោយសារ​តែ​កីឡាករ​រូប​នេះ​រង​របួស។ ប៉ុន្តែ​សាមី​ខ្លួន​បាន​បដិសេធ​មិន​ព្រម​ចេញ​តាម​ការ​បញ្ជា​របស់​គ្រូ​បង្វឹក​នោះ​ទេ ទើប​ធ្វើ​ឱ្យ​លោក Sarri ​ខឹង​ខ្លាំង​មែនទែន។

កត្តា​មិន​ស្ដាប់​គ្រូ​នេះ​ហើយ ទើប​ធ្វើ​ឱ្យ​រូបគេ​ត្រូវ Chelsea ​ពិន័យ​មិន​បើក​ប្រាក់​ប្រចាំ​សប្ដាហ៍​ឱ្យ ​១​សប្ដាហ៍។ ខណៈ​ដែល​សាមី​ខ្លួន ​ក៏​ចេញ​មុខ​មក​សុំទោស ​និង​ទទួល​ស្គាល់​កំហុស​របស់​ខ្លួន​ផង​ដែរ៕ប្រភព៖ Dailymail

ភ្ជាប់ទំនាក់ទំនងជាមួយ CTS SPORT