• ​Solskjaer ​បាន​ប្រាប់​ក្មេង​រើស​បាល់​ទាំង​អស់ ត្រូវ​ពន្យារ​ពេល​តាម​ដែល​អាច​ធ្វើ​បាន​

    ក្រុម​បិសាច​ក្រហម​ជួប​វិបត្តិ​កីឡាករ​របួស​ច្រើន​មែនទែន​ពេល​លេង​ទល់​ក្រុម Liverpool ​កាល​ពី​យប់មិញ​នេះ​ក្នុង​ពាន​រង្វាន់ English Premier League ។

    ត្រឹម​តែ​១​តង់​ប៉ុណ្ណោះ ​ក្រុម​របស់​លោក Solskjaer ​ត្រូវ​ប្ដូរ​ចេញ​អស់​៣​នាក់​ទៅ​ហើយ ដោយសារ​តែ​របួស​។ តែ​ទោះ​ជា​យ៉ាង​នេះ​ក្ដី ​បិសាច​ក្រហម​លេង​នៅ​ទឹក​ដី​ខ្លួន​ឯង ​នៅ​តែ​អាច​រក្សា​សំណាញ់​ទី​ខ្លួន​បាន​ដដែល ​ពោល​គឺ​ទប់​បាន​ស្មើ ០-០ ចែក​គ្នា​ម្នាក់​១​ពិន្ទុ។ ទម្រាំ​បាន​ស្មើ​នេះ​ដែរ ​លោក Solskjaer ​ក៏​បាន​ប្រាប់​ទៅ​ក្មេង​ៗ​រើស​បាល់​ជុំ​វិញ​ទីលាន​ថា ​ត្រូវ​តែ​ពន្យារ​ឱ្យ​អស់​សមត្ថភាព នៅ​ពេល​បាល់​ចេញ​ក្រៅ។ ដែល​នេះ​ជា​វិធី​មួយ ​សម្រួល​ដល់​កីឡាករ​របស់​ខ្លួន​ដែល​កំពុង​មាន​របួស ​និង​ស៊ី​ម៉ោង​ក្រុម Liverpool ​បាន​ថែម​ទៀត។

    រឿង​ពន្យារ​ពេល​នេះ ​គឺ​បែក​ធ្លាយ​ឡើង​ដោយសារ​តែ​អ្នក​គាំទ្រ​ម្នាក់​បាន​ប្រាប់​ទៅ The Sun ​ថា​៖ “ក្រុម​គ្រូ​បង្វឹក Man Utd ​បាន​ដើរ​ទៅ​ប្រាប់​ក្មេង​ៗ​រស់​បាល់ ​ដើម្បី​ធ្វើ​យ៉ាង​ណា​ពន្យារ​ពេល នៅ​ពេល​ណា​បាល់​ចេញ​ក្រៅ។ ការ​ធ្វើ​បែប​នេះ ដើម្បី​ចំណេញ​ម៉ោង​ប្រកួត​”៕ប្រភព៖ Dailymail

     

     

     

    ភ្ជាប់ទំនាក់ទំនងជាមួយ CTS SPORT