លោក Jurgen Klopp បានហៅប្រធានក្រុម Jordan Henderson មកនិយាយគ្នាវិញ ក្រោយពីកីឡាកររូបនេះមិនព្រមចាប់ដៃលោក ពេលប្ដូរចេញនៅនាទី៧២។
សង្គ្រាមពណ៌ក្រហមកាលពីយប់មិញ បានបញ្ចប់ទៅត្រឹមលទ្ធផលស្មើគ្នា ០-០ ប៉ុណ្ណោះ បើទោះជាក្រុម Liverpool បានព្យាយាមវាយសម្រុកយ៉ាងណាក៏ដោយ។ ដែលការធ្វើនេះហាក់ដូចជាមិនធ្វើឱ្យក្រុមហង្សក្រហមសប្បាយចិត្តប៉ុន្មាននោះទេ។ ជាក់ស្ដែង Henderson ដែលជាប្រធានក្រុមផ្ទាល់តែម្ដង។ ពេលត្រូវប្ដូរចេញនៅនាទី៧២ រូបគេបានបង្ហាញការមិនពេញចិត្តទៅលើការសម្រេចចិត្តរបស់លោក Klopp ដែលជាអ្នកចាត់ការឡើយ។
នៅគ្រានោះ Henderson បានដើរចេញដោយមិនបានចាប់ដៃលោក Klopp ឡើយ។ ការមិនចាប់ដៃនេះដែរ បានធ្វើឱ្យអ្នកចាត់ការអាល្លឺម៉ង់មិនអស់ចិត្ត ក៏ហៅកីឡាករមកសួរនាំថាតើហេតុអ្វីបានជាមិនចាំដៃលោកពេលប្ដូរចេញ។ និយាយគ្នា១ភ្លែត ពួកគេទាំងពីរក៏ចាប់ដៃសារជាថ្មីដើម្បីបញ្ចប់រឿង៕ប្រភព៖ Dailymail