Pep ៖ ​រឿង​ដែល Zidane ​ធ្វើ ​ពិត​ជា​មិន​ធម្មតា​ទេ ​ចាកចេញ​ទាំង​ជោគជ័យ​ដូច្នេះ

លោក Pep Guardiola ​យល់​ឃើញ​ថា​ វា​មិន​មែន​ជា​រឿង​ធម្មតា​ទេ ​ដែល Zidane ​សម្រេច​ចាកចេញ​ពី Real Madrid ​ទាំង​ជោគជ័យ​ខ្លាំង​ដូច្នេះ។

Pep ​និយាយ​ថា ​ប្រសិន​បើ​ដឹក​នាំ​មិន​ជោគជ័យ ​អ្នក​ចាត់ការ​ដើរ​ចេញ​វា​គឺ​ជា​រឿង​ធម្មតា​ទៅ​ហើយ។ ដោយ​ឡែក​ករណី​របស់ Zidane ​ដឹក​នាំ​ក្រុម​ឈ្នះ​ពាន UEFA Champions League ​៣​រដូវ​កាល​ជាប់​គ្នា​ហើយ បែរ​ជា​សម្រេច​ចិត្ត​ចាកចេញ​ទៀត​នោះ វា​គឺ​ជា​រឿង​មិន​ធម្មតា​ទេ។ អ្នក​គ្រប់​គ្នា ពិត​ជា​ពិបាក​យល់​ចំពោះ​ការ​ចាកចេញ​មួយ​នេះ​ណាស់។

 

លោក Zidane ​ចាកចេញ​ពី Real ​ក្រោម​ហេតុផល​ថា​លោក​ចង់​ឃើញ​អ្នក​ថ្មី​មក​ដឹក​នាំ​ក្រុម ​និង​ជួយ​ឱ្យ​អធិរាជ​ស ​បន្ដ​ឈ្នះ​ពាន​រង្វាន់​ជា​ច្រើន​ថែម​ទៀត។ ស្រប​ពេល​ដែល​ការចាកចេញ​នោះ ​ត្រូវ​បាន​លោក Perez ​ប្រធាន​ក្លឹប​ភ្ញាក់ផ្អើល​ជា​ខ្លាំង ត្បិត​អី​ក្លឹប​មិន​មាន​គម្រោង​បណ្ដេញ​អ្នក​ចាត់ការ​ចេញ​ឡើយ។

ទាក់ទង​ទៅ​នឹង​រឿង​ខាង​លើ​នេះ​ដែរ ​លោក Pep ​អតីត​អ្នក​ចាត់ការ​ក្រុម Barcelona ​ក៏​បាន​បន្ថែម​បន្តិច​ទៀត​ថា​៖ “គាត់​បាន​ធ្វើ​ឱ្យ​​គ្រប់​គ្នា ​អ្នក​ចាត់ការ​ទាំង​អស់ កោត​សរសើរ​ខ្លាំង​ណាស់។ នេះ​ជា​ទំនួល​ខុស​ត្រូវ​មួយ ហើយ​ Zidane ​ចាកចេញ​ពិត​ជា​មិន​មានពាក់ព័ន្ធ​ជាមួយ​ក្លឹប​ឡើយ ពោល​គឺ​គាត់​ចង់​ផ្សេង​រក​អ្វី​ដែល​ថ្មី ដូច​ករណី​របស់​លោក Luis Enrique ​ចាកចេញ​ពី Barcelona ​ដែរ​”៕ប្រភព៖ MARCA

ភ្ជាប់ទំនាក់ទំនងជាមួយ CTS SPORT