លោក Jurgen Klopp បញ្ជាក់ថានេះជាឱកាសល្អបំផុតសម្រាប់ក្រុម Liverpool ក្នុងការយកឈ្នះលើក្រុម Manchester United នៅទឹកដី Old Trafford ។
Liverpool លេងនៅទឹកដី Old Trafford ឈ្នះបានតែ៥ដងប៉ុណ្ណោះចាប់តាំងពីឆ្នាំ១៩៩០មក។ កត្តាធ្វើមិនបានល្អនេះហើយ ទើបបានជាលោក Klopp ចង់កែប្រែប្រវត្តិសាស្ត្រថ្មី យកឈ្នះក្រុមរបស់លោក Solskjaer ឱ្យបាននៅថ្ងៃអាទិត្យខាងមុខនេះ។ ស្របពេលដែលក្រុមម្ចាស់ផ្ទះវិញ ក៏បានត្រៀមខ្លួនរួចជាស្រេចក្នុងការដណ្ដើមយកជ័យជម្នះនេះ។
អ្នកចាត់ការសញ្ជាតិអាល្លឺម៉ង់បានបន្ដទៀតថា៖ “នេះជាការប្រកួតមួយដែលគ្រប់គ្នាចង់ឃើញ។ វាជាការប្រកួតមួយដែលមានសម្ពាធខ្លាំងណាស់សម្រាប់កីឡាករទាំងសងខាង។ ប្រសិនបើយើងចាញ់ការប្រកួត វាមិនមែនជាការចាញ់ធម្មតានោះទេ គឺយើងនឹងមានពិន្ទុស្មើជាមួយ Man City ថែមទៀត។ នេះជារឿងអាក្រក់មួយដែលអាចកើតមានឡើងបាន”៕ប្រភព៖ Dailymail