• Solskjaer ​ចង់​ឱ្យ​លោក Sir Alex ​ជួយ​ណែនាំ ​វិធី​បំបាក់​ក្រុម Liverpool ​

    លោក Solskjaer ​អ្នក​ចាត់ការ​បណ្ដោះអាសន្ន​របស់​បិសាច​ក្រហម Manchester United ​ចង់​ឱ្យ​គ្រូ​តា Sir Alex Fugerson ​មក​ជួប​កូន​ក្រុម ដើម្បី​ណែនាំ​និង​ផ្ដល់​កម្លាំង​យក​ឈ្នះ Liverpool ​។

    United ​នឹង​ទទួល​ភ្ញៀវ Liverpool ​នៅ​ថ្ងៃ​អាទិត្យ​ស្អែក​នេះ ​ក្នុង​ការ​ប្រកួត​លីគ​កំពូល​អង់គ្លេស។ នេះ​ជា​ប្រកួត​សំខាន់​មួយ​សម្រាប់​ក្រុម​ទាំង​ពីរ ត្បិត​អី​ពួកគេ​ក៏​ជា​ដៃ​គូ​ស៊ី​សាច់​ហុត​ឈាម​គ្នា​ផង​ដែរ។ លោក Solskjaer ​ដែល​ជា​អតីត​ខ្សែ​ប្រយុទ្ធ​មួយ​រូប​ធ្លាប់​ស៊ុត​ចូល​ក្រុម​ហង្ស​ក្រហម​ក្រោម​ការ​ដឹក​នាំ​របស់ Sir Alex ​នោះ ​ចង់​អញ្ជើញ​អតីត​គ្រូ​របស់​ខ្លួន​មក​ម្ដង​ទៀត ​មុន​ការ​ប្រកួត​ឈាន​មក​ដល់​ដើម្បី​ផ្ដល់​ដំបូន្មាន​ល្អ​ៗ​ដល់​កូន​ក្រុម​របស់​ខ្លួន​។

    អ្នក​ចាត់ការ​ដែល​ដឹក​នាំ​ក្រុម​បន្ទាប់​ពី​លោក Jose Mourinho ​ខាង​លើ​នេះ​បាន​និយាយ​ដូច្នេះ​ថា​៖ “យើង​ដឹង​ថា​នេះ​ជា​ប្រកួត​ធំ​សម្រាប់​ក្រុម Manchester United ​សម្រាប់​បុគ្គលិក​និង​អ្នក​គាំទ្រ​របស់​យើង។ យើង​ចង់​កសាង​ក្រុម​មួយ​នេះ​ឱ្យ​ក្លាយ​ទៅ​ជា​ក្រុម​ខ្លាំង​មួយ​ក្នុង​ប្រវត្តិសាស្ត្រ ​ហើយ​ជំហាន​ដំបូង​គឺ​យើង​ត្រូវ​យក​ឈ្នះ​ប្រកួត​នេះ​ឱ្យ​បាន។ លោក Ferguson ​នឹង​ត្រូវ​ស្វាគមន៍ ដើម្បី​មក​ផ្ដល់​ដំបូន្មាន​ល្អ​ៗ​សម្រាប់​ក្រុម​យើង”៕ប្រភព៖ Dailymail

    ភ្ជាប់ទំនាក់ទំនងជាមួយ CTS SPORT