ខ្សែការពារ Marcelo របស់ក្រុម Lyon សរសើរកីឡាករ Mbappe របស់ PSG ថាជាខ្សែប្រយុទ្ធល្អម្នាក់ ហើយមិនយូរទៀតទេរូបគេនឹងក្លាយជាកំពូលខ្សែប្រយុទ្ធនៅលើលោកនេះ។
Marcelo ធ្វើបានល្អកាលប៉ះក្រុម Barcelona ។ ដោយរូបគេជាអ្នកបិទ Messi មិនឱ្យស្វែងរកគ្រាប់បាល់ និងរក្សាលទ្ធផលស្មើគ្នា ០-០ នៅគ្រានោះ។ រនាំងដ៏សំខាន់របស់ក្រុម Lyon ខាងលើនេះបាននិយាយដូច្នេះថា៖ “Messi លេងមិនល្អឡើយកាលពីប៉ះជាមួយយើង។ ខ្ញុំបានលេងជាមួយខ្សែប្រយុទ្ធល្អៗជាច្រើន។ ជាក់ស្ដែង Mbappe នារដូវកាលនេះ គាត់បានផ្ដល់ការលំបាកដល់ខ្ញុំច្រើន។ ល្បឿន ជំហរ និងការសម្រេចទីរបស់គាត់ពិតជាល្អ។ គាត់ពិតជាធ្វើឱ្យខ្សែការពារពិបាកបិទណាស់”។
ទន្ទឹមគ្នានេះដែរ កីឡាករវ័យ៣១ឆ្នាំបានបន្ដថាមិនយូរទៀតទេ Mbappe នឹងក្លាយជាខ្សែប្រយុទ្ធល្អបំផុតនៅលើលោកនេះ។ រូបគេនៅសល់ពេលច្រើនទៀតសម្រាប់អភិវឌ្ឍខ្លួនបន្ដ៕ប្រភព៖ Dailymail
