ក្រុម Atletico Madrid បានយកឈ្នះលើក្រុម Juventus ក្នុងលទ្ធផល ២-០ នាការប្រកួតវគ្គ១៦ក្រុមចុងក្រោយ ជើងទី១ពានរង្វាន់ UEFA Champions League ។
ការប្រកួតដែលជក់ចិត្តជាងគេនៅយប់មិញនេះ ក្រុមម្ចាស់ផ្ទះ Atletico Madrid ពិតជាធ្វើឱ្យអ្នកគាំទ្រសប្បាយចិត្តមែនទែន គ្រាដែលពួកគេអាចយកឈ្នះក្រុម Juventus បានដល់ទៅ២-០ នេះ។ ២គ្រាប់នៅក្នុងការប្រកួតនេះធ្វើបានសម្រេចដោយGimenez នៅនាទី៧៨ និង១គ្រាប់ទៀតរបស់ Godin នៅនាទី៨៣។ ដោយឡែកខាងក្រុម Juventus វិញ ព្យាយាមវាយសម្រុកច្រើនដែរ តែមិនអាចសម្រេចបានឡើយ។
លោក Diego Simeone អ្នកចាត់ការក្រុម AT Madrid ចាត់ទុកជ័យជម្នះនេះ ជាកត្តារុញច្រានឱ្យក្រុមកាន់តែមានទំនុកចិត្តថែមទៀតសម្រាប់ការប្រកួតជើងទី២។ លោកដឹងថាលេងនៅអ៊ីតាលីមិនមែនជារឿងងាយស្រួលឡើយ ប៉ុន្តែមាន២គ្រាប់ក្នុងដៃ គឺពិតជាសំខាន់ណាស់សម្រាប់ក្រុម។ Juventus នឹងប៉ះ AT Madrid ជើងទី២នៅថ្ងៃទី១២ខែមីនាឆ្នាំ២០១៩ខាងមុខ៕ប្រភព៖ Dailymail
