ក្រុមបែលហ្សិកបានជ្រើសរើសកីឡាករសុទ្ធតែមានទេពកោសល្យនឹងលេងឱ្យក្លឹបធំៗ ដើម្បីទៅលេងនៅ World Cup 2018 ខាងមុខនេះ។
Eden Hazard, Kevin De Bruyne, Romelu Lukaku, Toby Alderweireld, Dries Mertens និង Mousa Dembele ត្រូវបានលោក Roberto Martinez ជ្រើសរើសជាកីឡាករជម្រើសជាតិ។ សមត្ថភាពរបស់ពួកគេ ត្រូវបានអ្នកគាំទ្រគិតថាល្អគ្រប់គ្រាន់ហើយសម្រាប់ប្រកួតប្រជែងជាមួយក្រុមជម្រើសជាតិដទៃទៀត។ ដូច្នេះហើយ មានតែពឹងលើបច្ចេកទេសរៀបចំក្រុមប៉ុណ្ណោះ បើរៀបបានល្អនោះក្រុមនឹងជោគជ័យ ប៉ុន្តែបើរៀបខុសតែបន្ដិច ពួកគេនឹងបរាជ័យជាក់ជាមិនខាន។
យ៉ាងណាមិញ ក្រុមមួយនេះបានយកឈ្នះលើក្រុមអេហ្សីបកាលពីយប់មិញក្នុងលទ្ធផល ៣-០ រួចជាស្រេចទៅហើយ ដោយពួកគេលេងបានយ៉ាងល្អក្នុងតំបន់ប្រយុទ្ធ។ ចំណុចខ្វះខាត ត្រង់បម្រើបន្តិច ស្របពេលដែលលោក Martinez បែរជាមិនយក Nainngolan ខ្សែបម្រើឆ្នើមរបស់ Roma នោះទៅវិញ៕ប្រភព៖DailyMail
