ខ្សែប្រយុទ្ធ Mbappe ចង់ឃើញក្រុម Lyon យកឈ្នះលើក្រុម FC Barcelona ឱ្យបានក្នុងការប្រកួត UEFA Champions League វគ្គ១៦ក្រុមចុងក្រោយ។Lyon ជាក្រុមលេងនៅលីគបារាំងនិងជាគូប្រជែងជាមួយក្រុម PSG ផងដែរ។ ប៉ុន្តែបើតាម Mbappe ខ្សែប្រយុទ្ធរបស់ក្រុម PSG វិញ ចង់ឃើញក្រុម Lyon ឈ្នះ Barcelona ជាង ព្រោះជាក្រុមនៅបារាំងដូចគ្នា។ ខ្សែប្រយុទ្ធវ័យក្មេងខាងលើ ចង់ឃើញក្រុមនៅបារាំងឡើងខ្ពស់បំផុតតាមដែលអាចធ្វើបានក្នុងការប្រកួតលីគអឺរ៉ុប ដើម្បីបង្ហាញឱ្យគេឃើញថាលីគ Lig1 មិនមែនជាលីគខ្សោយនោះទេ។
អតីតកីឡាករ Monaco បាននិយាយដូច្នេះថា៖ “ខ្ញុំនឹងធ្វើជាអ្នកគាំទ្រក្រុម Lyon យើងនៅបារាំង ដូច្នេះចង់ឃើញក្រុមបារាំងឡើងឱ្យខ្ពស់បំផុត”។ គេនៅចាំថា PSG បានយកឈ្នះក្រុម Man Utd ២-០ ម្ដងកហើយកាលពីជើងទី១កន្លងទៅ។ ដូច្នេះឱកាសពួកគេឡើងទៅវគ្គបន្ដគឺមានភាគរយច្រើន ត្បិតអីជើងទី២គឺលេងនៅទឹកដីបារាំងស្រាប់៕
ប្រភព៖ Marca
