ម្ចាស់ដី Camp Nou បានយកឈ្នះ ៣ ពិន្ទុលើក្រុមភ្ញៀវ Real Valladolid កាលពីព្រឹកថ្ងៃអាទិត្យកន្លងទៅនេះ ដោយជាការបំបែកគ្រាប់បាល់ពីការស៊ុតបាល់ពិន័យ ១១ ម៉ែត្ររបស់ Lionel Messi។ 
ក្រុមអ្នកមានបុណ្យបានបង្កើនឱកាសវាយសម្រុកលើក្រុមភ្ញៀវជាខ្លាំង ដោយស៊ុតសរុប ២០ លើក ចំគោលដៅ ៨ លើក ជាមួយឱកាសគ្រប់គ្រងបាល់ដល់ទៅ ៦១ ភាគរយ ខណៈក្រុមឈរចំណាត់ថ្នាក់ទី ១៥ Valladolid គ្មានឱកាសស៊ុតចំគោលដៅសូម្បីមួយលើកនិងអាចគ្រប់គ្រងបាល់ត្រឹម ៣៩ ភាគរយប៉ុណ្ណោះ។
បច្ចុប្បន្ន Barcelona មាន ៥៤ ពិន្ទុបន្ថែមគម្លាត ៧ ពិន្ទុធៀបនឹងក្លឹបលេខ ២ គឺ Atletico Madrid និងខុសគ្នា ៩ ពិន្ទុធៀបនឹង Real Madrid ដែលនៅសល់មួយប្រកួតក្នុងដៃ។
យ៉ាងណាមិញសម្រាប់តារាឆ្នើម M10 ក៏បន្តតំណែង Top Scorer របស់ខ្លួនដោយសរុបមាន ២២ គ្រាប់ហើយនៅប្រកួតក្នុងក្របខ័ណ្ឌ តាមពីក្រោយដោយ Cristiano Ronaldo មាន ១៩ គ្រាប់និង Kylian Mbappe មាន ១៨ គ្រាប់។
ទស្សនាវីដេអូ Highlight ខាងក្រោម៖