ក្រុម Manchester City នឹងត្រូវប៉ះក្រុម Newport County ក្នុងពានរង្វាន់ FA Cup នៅយប់ម៉ោង១២:៣០នាទីរំលងអាធ្រាត្រនេះ ។
ក្នុងការប្រកួតនេះដែរ គេសង្កេតឃើញថាសមត្ថភាពរបស់ក្រុម Newport ហាក់ដូចជាខុសឆ្ងាយពីក្រុម Man City ខ្លាំងមែនទែន។ ដូច្នេះហើយបានជាគេរំពឹងថានៅរាត្រីនេះ ក្រុមមេឃខៀវអាចនឹងប្រើប្រាស់កីឡាករយុវជនឱ្យបង្ហាញសមត្ថភាព ជាជាងការដាក់កីឡាករជម្រើស១១នាក់ដំបូងពេញជើង។
ផ្ទុយពីការគិត លោក Pep បានបញ្ជាក់ដូច្នេះថាគ្មានទេការទុកជើងកីឡាករសំខាន់ឬបន្ធូរដៃអ្វីនោះ។ លោកថាការប្រកួតពានរង្វាន់ណា ប៉ះក្រុមណាក៏លោកគិតថាជាប្រកួតសំខាន់ដែរ ដូច្នេះក្រុមកីឡាករទាំងអស់សុទ្ធតែត្រូវលេងឱ្យអស់ពីសមត្ថភាព។ មួយវិញទៀត ១ប្រកួតនេះក៏អាចចាត់ទុកថាជាការជ្រើសរើសកីឡាករ១១នាក់ល្អបំផុតដើម្បីប៉ះក្រុម Schalke 04 នៅសប្ដាហ៍ក្រោយផងដែរ៕ប្រភព៖ Dailymail