• Buffon ​ជាប់​ពិន័យ​៣​ប្រកួត​ពី​ខាង UEFA ​រឿង​ទទួល​កាត​ក្រហម

    សហព័ន្ធ UEFA ​បាន​សម្រេច​ពិន័យ​កីឡាករ Gianluigi Buffon ​៣​ប្រកួត ចំពោះ​រឿង​ទទួល​បាន​កាត​ក្រហម ​និង​បង្ហាញ​កាយ​វិការ​មិន​សមរម្យ​ដាក់​អាជ្ញាកណ្ដាល ​ពេល​ប៉ះ Real Madrid ។

    រំលឹក​ពី​ការ​ប្រកួត​ខាង​លើ Real Madrid ​ទទួល​បាន​បាល់​ប៉េណាល់ទី ​នា​នាទី​ចុង​ក្រោយ ​ដើម្បី​យក​ឈ្នះ​លើ​ក្រុម Juventus ​នៅ​វគ្ក​៨​ក្រុម​ចុង​ក្រោយ។ នា​គ្រា​នោះ Buffon ​បាន​តវ៉ា​ខ្លាំង​មែនទែន រហូត​ដល់​ទទួល​បាន​កាត​ក្រហម​បណ្ដេញ​ចេញ​តែ​ម្ដង។ មិន​ត្រឹម​តែ​ប៉ុណ្ណឹង ​ក្រោយ​ចប់​ការ​ប្រកួត អ្នក​ចាំ​ទី​វ័យ​៤០​ឆ្នាំ​រូប​នេះ បាន​និយាយ​ទៅ​អាជ្ញាកណ្ដាល​ក្នុង​ការ​ប្រកួត​នោះ​ទៀត​ថា ​ជា​មនុស្ស​បេះ​ដូង​សំរាម ​មិន​សម​ធ្វើ​អាជ្ញាកណ្ដាល​ទេ។

    ដោយសារ​តែ​ហេតុ​នេះ​ហើយ ​ទើប UEFA ​សម្រេច​ពិន័យ​១​ប្រកួត​ចំពោះ​រឿង​ទទួល​បាន​កាត​ក្រហម ​និង​២​ប្រកួត​ទៀត​ចំពោះ​រឿង​ថា​ឱ្យ​អាជ្ញាកណ្ដាល​ក្នុង​ការ​ប្រកួត​នោះ។ សរុប​ជា​រួម​៣​ប្រកួត ។ យ៉ាងណាមិញ ​Buffon ​បាន​ចាកចេញ​ពី Juventus ​ហើយ ​ប៉ុន្តែ​ការ​ពិន័យ​នេះ​នឹង​នៅ​តែ​ធ្វើ​ដដែល ប្រសិន​បើ​រូប​លោក​ទៅ​ចូល​រួម​ជាមួយ​ក្រុម​ណា​មួយ ដែល​មាន​សិទ្ធ​ចូល​លេង UEFA Champions League ​នា​រដូវ​កាល​ក្រោយ៕ប្រភព៖ DailyMail

    ភ្ជាប់ទំនាក់ទំនងជាមួយ CTS SPORT