លោក Ernesto Valverde អ្នកចាត់ការក្រុម FC Barcelona បានសម្រេចបន្ដកុងត្រា១ឆ្នាំទៀតដឹកនាំក្រុមរហូតដល់ចុងឆ្នាំ២០២១ឯណោះ។
អតីតខ្សែប្រយុទ្ធក្រុម Barcelona បានចូលខ្លួនមកដឹកនាំក្រុមជំនួសលោក Luis Enrique នៅឆ្នាំ២០១៧កន្លងទៅហើយរយៈពេលប៉ុន្មានមកនេះ លោកដឹកនាំក្រុមអ្នកមានបុណ្យឈ្នះ La Liga និង Coap del Rey ក្នុងរដូវកាលដំបូង។ បច្ចុប្បន្ននេះ ក្រុម Barca កំពុងឈរនៅកំពូលតារាងមាន៥១ពិន្ទុ លើសក្រុមលេខ២ ដល់ទៅ៦ពិន្ទុឯណោះ។
លោក Valverde នៅសល់កុងត្រាត្រឹមចប់រដូវកាលនេះប៉ុណ្ណោះ ប៉ុន្តែដោយសារតែលោកដឹកនាំក្រុមបានល្អ ទើបបានជាក្លឹបព្រមបន្ដកុងត្រា១ឆ្នាំទៀតឱ្យលោកដឹកនាំក្រុម។ គិតត្រឹមបច្ចុប្បន្ននេះ លោកដឹកនាំក្រុមបាន៩៦ប្រកួតឈ្នះ៦៥ប្រកួត ស្មើ២២ប្រកួត និងចាញ់៩ប្រកួត៕ប្រភព៖ BBC
