Marek Hamsik ប្រធានក្រុម Napoli អាចនឹងផ្លាស់ទៅលេងនៅ Dalian Yifang ក្រុមនៅលីគកំពូលចិនហើយ ក្រោយពីការចរចាតម្លៃខ្លួនត្រូវរ៉ូវគ្នាក្នុងតម្លៃ១៧,៥លានផោន។
លោក Aurelio De Laurentiis ប្រធានក្លឹប Napoli បាននិយាយកាលពីម្សិលមិញនេះថា Marek នឹងផ្លាស់ទៅលេងនៅចិនហើយ។ ដោយមានតម្លៃខ្លួន១៧,៥លានផោន មានកុងត្រា៣ឆ្នាំជាមួយតម្លៃពលកម្ម៧,៩លានផោនក្នុង១ឆ្នាំ។ កីឡាករដែលបង្ហាញខ្លួនឱ្យ Napoli បានច្រើនជាងគេនេះ លេងឱ្យក្រុមបាន៥២០ប្រកួត រកបាន១២១គ្រាប់និងបញ្ជូនបាល់ឱ្យមិត្តរួមក្រុមបាន១១១ប្រកួត។
កីឡាករវ័យ៣១ឆ្នាំបាននិយាយថា៖ “ដំបូងខ្ញុំសុំទោសចំពោះអ្នកគាំទ្រ ហើយវាដល់ពេលសម្រាប់និយាយពាក្យលាហើយ។ អ្នកតែងតែផ្ដល់កម្លាំងចិត្តដល់ខ្ញុំ និងគាំទ្រខ្ញុំជានិច្ច បើទោះជាពេលវេលាពិបាកយ៉ាងណាក៏ដោយ។ ខ្ញុំនឹងរងចាំអ្នកជានិច្ចក្នុងអាជីពរបស់ខ្ញុំ”៕ប្រភព៖ BBC
