ខ្សែប្រយុទ្ធវ័យក្មេង Vinicius នឹងត្រូវកោះហៅចូលជម្រើសជាតិប្រេស៊ីលដើម្បីជំនួសតំណែងកីឡាករ Neymar ដែលរងរបួសជើងធ្ងន់ធ្ងរត្រូវសម្រាកច្រើនខែ។
ក្រុមបាល់ទាត់ជម្រើសជាតិប្រេស៊ីលនឹងត្រូវលេងទល់ក្រុមប៉ាណាម៉ានិងក្រិកនៅថ្ងៃទី២៣ និង២៦ខែមីនាឆ្នាំ២០១៩ខាងមុខនេះ។ ស្របពេលការប្រកួតនេះដែរ លោក Tite នឹងប្រើប្រាស់កីឡាករថ្មីច្រើន ជាពិសេសកីឡាករជំនួស Neymar តែម្ដង។ ចំពោះកីឡាករដែលត្រូវជំនួសនោះអាចជា Vinicius កីឡាករវ័យក្មេងកំពុងឡើងជើងរបស់ក្រុម Real Madrid ។
Vinicius កំពុងបង្ហាញសមត្ថភាពខ្ពស់មែនទែននាប៉ុន្មានប្រកួតមកនេះ។ ជាក់ស្ដែងក្នុងការប្រកួតធំៗរូបគេបានដណ្ដើមយកជម្រើស១១នាក់ដំបូងបានថែមទៀតផង បើទោះជាមិនទាន់អាចរកគ្រាប់បាល់បានក៏ពិតមែន៕ប្រភព៖ Dailymail
