ក្រុម Manchester United និង PSG ត្រូវសហព័ន្ធកីឡាបាល់ទាត់អឺរ៉ុបពិន័យដូចគ្នា ក្នុងការប្រកួតរបស់ពួកគេនៅ Old Trafford ។
បិសាចក្រហម Man Utd ត្រូវរងពិន័យ ដោយសារតែអ្នកគាំទ្ររបស់ពួកគេបានគប់ស្រាបៀរ ទៅលើកីឡាករ Di Maria និងបិទផ្លូវដើររបស់អ្នកគាំទ្រ PSG ថែមទៀត។ កត្តាគប់ស្រាបៀរនេះ ត្រូវបាន UEFA ចាត់ទុកថាជាការរើសអើងមួយ។ ដោយឡែកសម្រាប់ក្រុម PSG វិញ ទទួលពិន័យដោយសារតែក្រុមអ្នកគាំទ្ររបស់ពួកគេបង្កភាពរញ៉េរញ៉ៃ អំឡុងពេលប្រកួត និងបានបំផ្លាញកៅអីអង្គុយផងដែរ។
រំលឹកទៅការប្រកួតថា ក្រុមបិសាចក្រហមបានចាញ់ក្រុម PSG ក្នុងលទ្ធផល ២-០ នៅជើងទី១វគ្គ១៦ក្រុមចុងក្រោយពានរង្វាន់ UEFA Champions League ។ ការប្រកួតជើងទី ២នឹងត្រូវធ្វើឡើងនៅទឹកដីបារាំងម្ដងនៅថ្ងៃទី៦ខែមីនាឆ្នាំ២០១៩ខាងមុខ៕ប្រភព៖ Bbc
