ថ្នាក់ដឹកនាំក្រុម Chelsea កំពុងទាក់ទងលោក Zidane មកដឹកនាំក្រុមជំនួសតំណែងលោក Sarri ដែលកំពុងមានសម្ពាធខ្លាំង ក្រោយចាញ់ក្រុម Manchester City ៦-០។
អ្នកដឹកនាំសញ្ជាតិបារាំងមិនទាន់ចាប់អាជីពជាថ្មីទេ បន្ទាប់ពីសម្រេចចិត្តចាកចេញពីក្រុម Real Madrid មក។ កាលពីរដូវកាលដោះដូរកីឡាករកន្លងទៅ មានក្លឹបជាច្រើនព្យាយាមទាក់ទងទៅលោក Zidane នេះមកដឹកនាំក្រុមដែរ ប៉ុន្តែលទ្ធផលមិនបានសម្រេចឡើយ។ ពេលនេះ ក្រុម Chelsea ដែលកំពុងមានវិបត្តិកីឡាករធ្លាក់ទឹកចិត្តនោះ ក៏បានព្យាយាមជាថ្មីទៀត ដើម្បីអន្ទង់ចិត្តអតីតកីឡាករជម្រើសជាតិបារាំងម្នាក់មកដឹកនាំក្រុម។
លោក Sarri អ្នកចាត់ការក្រុម Chelsea បច្ចុប្បន្ន ហាក់មិនបារម្ភចំពោះកៅអីរបស់ខ្លួនឡើយ។ ដោយបានពោលថា ក្រុមកីឡាករ Chelsea បច្ចុប្បន្ននេះ ពិបាកក្នុងការលើកទឹកចិត្តឱ្យលេងល្អឡើងវិញណាស់។ នេះជាបញ្ហាធំមួយសម្រាប់ក្រុមនារដូវកាលនេះ ក្រោយពីចាញ់ Man City ៦-០៕ប្រភព៖ Dailymail
