អ្នកចាំទី Courtois បាននិយាយថាក្រុម Real Madrid នាពេលបច្ចុប្បន្ននេះកំពុងលេងបានល្អមែនទែន ដែលធ្វើឱ្យក្រុមដទៃទៀតកំពុងខ្លាចរអាជាខ្លាំង។
អធិរាជស នឹងត្រូវប៉ះជាមួយក្រុម Ajax នៅម៉ោង៣រំលងអាធ្រាត្រនេះ ក្នុងការប្រកួតពានរង្វាន់ UEFA Champions League វគ្គ១៦ក្រុមចុងក្រោយ។ មុនការប្រកួតនេះចាប់ផ្ដើម អ្នកចាំទីចំណូលថ្មី Courtois បានបង្ហាញចំណាប់អារម្មណ៍ថា៖ “ខ្ញុំកត់សម្គាល់ថា ក្រុមដទៃចាប់ផ្ដើមមើលឃើញពីភាពពិបាកក្នុងការយកឈ្នះលើយើងហើយ។ នៅខែតុលាឆ្នាំ២០១៨ ជាពេលវេលាអាក្រក់សម្រាប់យើង ប៉ុន្តែពេលនេះយើងលេងបានយ៉ាងល្អវិញ ហើយពួកគេចាប់ផ្ដើមខ្លាចទម្រង់លេងរបស់យើងហើយ”។
ក្រុម Real Madrid ជាក្រុមការពារតំណែងជើងឯក UEFA Champions League ហើយបច្ចុប្បន្ននេះពួកគេមានពានរង្វាន់៣នៅក្នុងដៃ ដែលត្រូវប្រកួតប្រជែងគឺ La Liga , Copa del Rey និង UEFA Champions League ៕ប្រភព៖ Marca