ក្រុមបិសាចក្រហម Manchester United បានបរាជ័យក្រោមថ្វីជើងក្រុម PSG ក្នុងលទ្ធផល ២-០ នាការប្រកួតជើងទី១ ពានរង្វាន់ UEFA Champions League វគ្គ១៦ក្រុមចុងក្រោយ។
នេះជាបរាជ័យលើកដំបូងសម្រាប់ការដឹកនាំរបស់លោក Solskjaer នៅ Man Utd ហើយក៏ធ្វើឱ្យអ្នកចាត់ការបណ្ដោះអាសន្នរូបនេះទទួលបានមេរៀនថ្មីផងដែរ ព្រោះថា១១ប្រកួតកន្លងមកមិនទាន់ស្គាល់ចាញ់សោះ។ ចាញ់ក្នុងផ្ទះដល់ទៅ២គ្រាប់យ៉ាងនេះមែន ប៉ុន្តែអ្នកចាត់ការបណ្ដោះអាសន្នខាងលើ នៅមិនទាន់អស់សង្ឃឹមនៅឡើយទេ។
លោក Solskjaer បាននិយាយនៅជើងទី២ខែក្រោយថា៖ “ក្រោយប្រកួតនេះ យើងមើលឃើញសមត្ថភាពរបស់ក្រុមយើង កន្លែងដែលត្រូវពង្រឹងបន្ថែម។ សម្រាប់ជើងទី២ គឺជាការឡើងភ្នំដ៏ពិបាកមួយ ប៉ុន្តែយើងទាំងអស់គ្នាត្រូវតែឡើង ឡើងឱ្យដល់គោលដៅ។ យើងនឹងចាប់ផ្ដើមប្រឹងប្រែងហ្វឹកហាត់ចាប់ពីពេលនេះទៅ ដើម្បីឡើងភ្នំនេះ”៕ប្រភព៖ Mirror
