​បិសាច​ក្រហម​ស្គាល់​ចាញ់​លើក​ដំបូង ​ក្រោម​ថ្វី​ជើង PSG

​ក្រុម​បិសាច​ក្រហម Manchester United ​បាន​ស្គាល់​បរាជ័យ​លើក​ដំបូង​ក្រោម​ការ​ដឹក​នាំ​របស់​លោក Ole Gunnar Solskjaer ​ហើយ ​ក្រោយ​ពី​ត្រូវ​ក្រុម PSG ​ស៊ី ២-០ ​នៅ​ជើង​ទី​១ Champions League ​។

រយៈពេល​៥៤​ថ្ងៃ​ហើយ ដែល​ក្រុម​អ្នក​គាំទ្រ Man Utd ​សប្បាយ​ចិត្ត​នឹង​លទ្ធផល​មិន​ស្គាល់​រសជាតិ​ចាញ់​សោះ។ ប៉ុន្តែ​ឈាន​ចូល​លេង​ពាន​រង្វាន់​កម្រិត​អន្តរជាតិ ​ក្រុម​បិសាច​ក្រហម​មួយ​នេះ ​ហាក់​មិន​ទាន់​អាច​ប្រៀប​ជាមួយ​គេ​បាន​ទេ ​ជាក់​ស្ដែង​នៅ​យប់មិញ ​ពួកគេ​ទើប​តែ​បរាជ័យ​ក្រោម​ថ្វី​ជើង​ក្រុម PSG ​ដល់​ទៅ ២-០ ។ ២​គ្រាប់​របស់​ក្រុម​ភ្ញៀវ​នេះ ធ្វើ​បាន​សម្រេច​ដោយ Kimpembe ​និង Mbappe ។

ឈ្នះ​គ្រាប់​ក្រៅ​ដី​ដល់​ទៅ​២​គ្រាប់​នេះ ​នឹង​ធ្វើ​ឱ្យ​ក្រុម​អ្នក​មាន​បារាំង​សង្ឃឹម​ច្រើន​មែនទែន​សម្រាប់​ជើង​ទី​២។ ខណៈ​ដែល​នៅ​គ្រា​នោះ​កីឡាករ​សំខាន់​ៗ​ដែល​រង​របួស​ដូចជា Cavani ​ជា​ដើម​នោះ​ក៏​អាច​នឹង​ត្រលប់​មក​ជួយ​ក្រុម​វិញ​បាន​ផង​ដែរ៕

ភ្ជាប់ទំនាក់ទំនងជាមួយ CTS SPORT