លោក Thomas Tuchel អ្នកចាត់ការក្រុម PSG បានបញ្ជាក់ថាវត្តមានរបស់ Solskjaer នៅ Man Utd ប្រៀបបាននឹងគ្រូពេទ្យជំនាញម្នាក់ មកព្យាបាលរបួសឱ្យអ្នកជំងឺឱ្យជាសះស្បើយឡើងវិញអីចឹង។
ក្រុម PSG នឹងត្រូវលេងទល់ក្រុម Manchester United នៅទឹកដី Old Trafford នៅម៉ោង៣រំលងអាធ្រាត្រនេះហើយ ក្នុងជើងទី១វគ្គ១៦ក្រុមចុងក្រោយ UEFA Champions League ។ មុនការប្រកួតនេះចាប់ផ្ដើម លោកThomas Tuchel អ្នកចាត់ការក្រុម PSG ដឹងច្បាស់ថាក្រុមរបស់លោកនឹងជួបការលំបាកច្រើន ព្រោះថាអវត្តមានខ្សែប្រយុទ្ធសំខាន់ដល់ទៅ២រូបទៅហើយ គឺ Neymar និង Cavani ។
អ្នកចាត់ការសញ្ជាតិអាល្លឺម៉ង់បាននិយាយដូច្នេះទៀតថា៖ “នេះជាការប្រកួតលំបាកសម្រាប់យើង។ យើងដឹងថា Man Utd ក្រោមការដឹកនាំរបស់លោក Solskjaer គឺពិតជាល្អ។ ពួកគេមានថាមពលគ្រប់គ្រាន់ក្នុងការប្រកួត ដើម្បីជ័យជម្នះ។ លោក Solskjaer ប្រៀបដូចជាគ្រូពេទ្យជំនាញម្នាក់ មកព្យាបាលរបួសរបស់កីឡាករ Man Utd ឱ្យជាសះស្បើយ និងខ្លាំងពូកែឡើងវិញថែមទៀត”៕ប្រភព៖ Telegraph