Anthony Martial ថាលោក Ole Gunnar Solskjaer បានធ្វើឱ្យខ្លួនគេអភិវឌ្ឍបានច្រើន ជាពិសេសទម្រង់ប្រយុទ្ធនៅខាងលើតែម្ដង។
មុនការប្រកួតទល់ក្រុម PSG នៅម៉ោង៣រំលងអាធ្រាត្រយប់នេះឈានចូលមកដល់ ខ្សែប្រយុទ្ធ Martial បានក្រើនរំលឹកថាក្រុមបិសាចក្រហមបច្ចុប្បន្នមានសមត្ថភាពគ្រប់គ្រាន់សម្រាប់លេងនៅយប់នេះ។ ក្រោមការដឹកនាំរបស់លោក Solskjaer បិសាចក្រហមមានទំនុកចិត្តជាងមុន ហើយការប្រយុទ្ធក៏ច្បាស់ជាងមុនផងដែរ។
អតីតកីឡាករលេងនៅក្លឹប Monaco បានបន្ថែមទៀតថា៖ “យើងមានគ្រូបង្វឹកដែលមានចិត្តចង់ឈ្នះនិងប្លែកពីគេ។ គាត់បានប្រាប់ខ្ញុំឱ្យលេងប្រយុទ្ធ និងស្វែងរកបាល់ មិនមែនចាំបាល់មករកទេ។ យើងមានទំនុកចិត្ត ហើយវាបានជំរុញយើងឱ្យឈ្នះរាល់ប្រកួតមកនេះ។ យើងសង្ឃឹមថាយើងនឹងធ្វើបានទៀតនៅយប់នេះ”៕ប្រភព៖ Dailymail