ក្រុមបិសាចក្រហម Manchester United នឹងត្រូវប្រកួតជាមួយក្រុម PSG នៅម៉ោង៣រំលងអាធ្រាត្រនេះហើយ ក្នុងវគ្គ១៦ក្រុមពានរង្វាន់ UEFA Champions League ។
ចំពោះការប្រកួតនេះដែរ បិសាចក្រហមដែលជាម្ចាស់ផ្ទះហាក់ដូចជាមិនមានបញ្ហាកីឡាករនោះទេ ប៉ុន្តែខាង PSG វិញ បាត់បង់កីឡាករច្រើនមែនទែនជាពិសេសខ្សែប្រយុទ្ធនៅខាងលើ Neymar និង Cavani តែម្ដង។ ពួកគេនឹងអវត្តមានក្នុងការប្រកួតជើងទី១នៅរាត្រីនេះ ក្រោយពីរងរបួសកាលពីពេលកន្លងទៅ។
ចំពោះការអវត្តមានខ្សែប្រយុទ្ធសំខាន់នៅលើខាងលើនេះដែរ បានធ្វើឱ្យ Buffon យល់ឃើញថា៖ “ខ្ញុំកំពុងគិតថាយើងមានបញ្ហាហើយ។ ខ្ញុំមិនច្បាស់ថាវាជារឿងធំឬតូចទេ។ ប៉ុន្តែខ្ញុំរំពឹងថាវាជារឿងតូចទៅចុះ ហើយយើងនឹងឆ្លងកាត់វាបាន។ ការយកឈ្នះ Man Utd គឺមិនមែនជារឿងស្រួលឡើយ ពួកគេកំពុងធ្វើបានល្អ ក្រោមការដឹកនាំរបស់លោក Ole ”៕ប្រភព៖ Dailymail