Ramos ​ដុត​ឈឺ​ៗ​វិញ​ភ្លាម រឿង​គេ​ថា​ខ្លួន​ធ្វើ​ឱ្យ​អ្នក​ចាំ​ទី Liverpool ​បាត់​ស្មារតី

ម្សិលមិញ​នេះ ​មាន​គេ​ចុះ​ផ្សាយ​ជា​ច្រើន​ថា ​អ្នក​ចាំ​ទី  Loris Karius  ​របស់​ក្រុម​ Liverpool ​បាន​បាត់​បង់​ស្មារតី​នៅ​ការ​ប្រកួត​ផ្ដាច់ព្រ័ត្រ ​ដោយសារ​តែ​ត្រូវ​១​កែង​របស់​ខ្សែ​ការពារ Sergio Ramos ។

ទន្ទឹម​គ្នា​នេះ​ដែរ ​ប្រធាន​ក្រុម​របស់​ Real Madrid ​បាន​ឆ្លើយ​តប​យ៉ាង​ឡូយ​វិញ​ថា​៖ “Salah ទាញ​ដៃ​របស់​ខ្ញុំមុន ដៃ​ម្ខាង​ទៀត​របស់​គេ​រង​របួស ពួកគេ​និយាយ​ថា​ខ្ញុំ​បាន​ប្រើ​ចលនា​យូដូ​ទៅ​លើ​គេ។ បន្ទាប់​មក អ្នក​ចាំទី​និយាយ​ថា ខ្ញុំ​បាន​ធ្វើ​ឱ្យ​គេ​ភាំង​បាត់​ស្មារតី (បន្ទាប់ពីប៉ះទង្គិចជាមួយខ្ញុំ)។​ ខ្ញុំនៅ​មិនទាន់​ឮ​តែ ​Firmino និយាយ​ថា​គេ​ផ្ដាសាយ​ដោយសារ​តែ​ញើស​របស់​ខ្ញុំ​ស្រក់​លើ​គេ​ទេ”។

ក្រោយ​ពី​ចប់ UCL ​ដែល​ក្រុម Liverpool ​បរាជ័យ​ដោយសារ​អត់មាន​កីឡាករ​ឆ្នើម Salah ​និង​កំហុស​អ្នក​ចាំ​ទី​២​គ្រាប់​ផង​នោះ ​បច្ចុប្បន្ន​នេះ​រឿង​រ៉ាវ​នៅ​មិន​ទាន់​បញ្ចប់​នៅ​ឡើយ​ទេ។ តួយ៉ាង​ដូចជា​កាសែត​នានា ​បាន​គាស់​កកាយ​រឿង​ផ្សេង​ទាក់ទង​ទៅ​នឹង​ការ​ប្រកួត​នោះ ​ជា​ពិសេស​រឿង​ទាក់ទង​នឹង​ Ramos ​តែ​ម្ដង៕ប្រភព៖ DailyMail

 

 

ភ្ជាប់ទំនាក់ទំនងជាមួយ CTS SPORT