• Solskjaer ​ខ្មាស​អៀន​នៅ​ពេល​ប៉ះ PSG ​ដោយ​គ្មាន​វត្តមាន Neymar ​

    Ole Gunnar Solskjaer ​ចង់​ឱ្យ​មាន​វត្តមាន​របស់ Neymar ​លេង​ឱ្យ​ក្រុម PSG ទល់​ក្រុម Man Utd ​​ក្នុង​ការ​ប្រកួត​វគ្គ​១៦​ក្រុម​ចុង​ក្រោយ​ពាន​រង្វាន់ UEFA Champions League ​នៅ​ថ្ងៃ​ទី​១២​ខែ​កុម្ភៈ​ឆ្នាំ​២០១៩​នេះ។Neymar ​នឹង​មិន​អាច​លេង​ឱ្យ​ក្រុម PSG ​បាន​ទេ​ប៉ុន្មាន​សប្ដាហ៍​នេះ ​ដោយសារ​តែ​រង​របួស​កាល​ពី​ពេល​កន្លង​ទៅ ត្រូវ​សម្រាក​ច្រើន​ខែ។ ជាមួយ​នឹង​ការ​ខកខាន​នេះ​ដែរ បាន​ធ្វើ​ឱ្យ​លោក Ole Gunnar Solskjaer ​អ្នក​ចាត់ការ​បណ្ដោះអាសន្ន​របស់​បិសាច​ក្រហម Manchester United ​ហាក់​មិន​សូវ​សប្បាយ​ចិត្ត​នោះ​ទេ ត្បិត​អី​លោក​ចង់​ឃើញ​ខ្សែ​ប្រយុទ្ធ​ប្រេស៊ីល​រូប​នេះ​មាន​វត្តមាន​នៅ​ទឹក​ដី Old Trafford ​។

    “គាត់​ល្អ ល្អ​ខ្លាំង​មែនទែន ​ហើយ​អ្នក​គាំទ្រ​របស់​យើង​ក៏​ចង់​ឃើញ​គាត់​លេង​ក្នុង​ទឹកដី​យើង​ដែរ។ រឿង​មួយ​ដែល​ធ្វើ​ឱ្យ​ខ្ញុំ​ចង់​ចាំ​ក្នុង​វិស័យ​បាល់ទាត់ គឺ​បាន​លេង​ទល់​កីឡាករ​ល្បី​ៗ ​ព្រោះ​វា​ជា​ការ​ធ្វើ​តេស្ដ​សមត្ថភាព​របស់​យើង។ ខ្ញុំ​គិត​ថា​កីឡាករ​របស់​ខ្ញុំ​ក៏​គិត​អីចឹង​ដែរ ពួកគេ​ចង់​ឃើញ Neymar ​និង​លេង​ទល់​គេ​ខ្លាំង​ណាស់”៕

    ប្រភព៖ DailyMail

     

    ភ្ជាប់ទំនាក់ទំនងជាមួយ CTS SPORT