ក្រុម Manchester United កំពុងបង្ហាញទម្រង់លេងខ្លាំងមែនទែន ដោយបន្ដភាពមិនចាញ់របស់ខ្លួនទៀតនាការប្រកួតទល់ក្រុម Fulham នៅយប់មិញ យកឈ្នះក្នុងលទ្ធផល ៣-០។៣គ្រាប់នេះដែរ ក៏ទទួលបាន៣ពិន្ទុបន្ថែមសម្រាប់ក្រុម Man Utd ហើយក៏បានហក់ចូលក្នុងតំបន់ Top4 វិញផងដែរ។ ដែលនេះគឺជាលើកដំបូងហើយសម្រាប់ក្រុមបិសាចក្រហមបានចូលលេខ៤ក្នុងតារាងហ្នឹងគេ។ យ៉ាងណាមិញ ប្រសិនបើក្រុម Chelsea អាចយកឈ្នះក្រុម Man City នៅយប់នេះវិញ នោះពួកគេនឹងធ្លាក់ទៅលេខ៥វិញដដែល។
ការលេងបានយ៉ាងល្អនេះដែរ បានធ្វើឱ្យ Ferdinand អតីតខ្សែការពាររបស់ Man Utd បានបង្ហាញចំណាប់អារម្មណ៍ថា៖ “នេះហើយជាអ្វីដែលអ្នកគាំទ្រចង់បាន នេះហើយជា Man Utd ពីមុន ដែលទើបតែត្រលប់មកវិញ។ នេះជាពេលវេលាអ្នកគាំទ្រពេញចិត្ត និងខកខានឃើញវាអស់រយៈពេល៥ឆ្នាំមកហើយ”៕
ប្រភព៖ DailyMail
