លោក Jose Mourinho កំពុងជួបថ្នាក់ដឹកនាំក្រុម Inter Milan ដើម្បីពិភាក្សាក្នុងការទៅដឹកនាំក្រុមមួយនេះនារដូវកាលក្រោយ។
លោក Jose ត្រូវបានក្លឹបបិសាចក្រហម Manchester United បណ្ដេញចេញពីតំណែងក្រោយពីដឹកនាំក្រុមមិនបានល្អនារដូវកាលនេះ។ ក្រោយពីមិនមានការងារធ្វើមួយរយៈមកនេះ ស្រាប់តែមានដំណឹងមកថាលោកអាចនឹងទៅដឹកនាំក្រុម Inter Milan វិញ កន្លែងដែលលោកធ្លាប់នាំក្រុមនេះឈ្នះពាន៣ក្នុង១រដូវកាល នៅឆ្នាំ២០១០។
ប្រភពពីអ៊ីតាលី បានបញ្ជាក់ថាអ្នកចាត់ការវ័យ៥៦ឆ្នាំនេះ បានជួបជាមួយថ្នាក់ដឹកនាំរបស់ក្រុម Inter Milan រួចទៅហើយ។ បើមិនមានអ្វីប្រែប្រួលទេ លោកនឹងក្លាយជាអ្នកចាត់ការក្រុមមួយនេះនៅរដូវកាលក្រោយ ស្របពេលលោក Jose បានបដិសេធទៅដឹកនាំក្រុម Benfica ១ទៅហើយ។
លោក Jose នៅឆ្នាំ២០១០ បានជួយក្រុម Inter Milan ឈ្នះពាន៣ក្នុង១រដូវកាលមុនចាកចេញទៅលេងនៅក្លឹប Real Madrid ។ ពានរង្វាន់៣នោះរួមមាន Serie A Coppa Italia និង UEFA Champions League ៕ប្រភព៖ Dailymail