លោក Josep Maria Bartomeu ​ម្ចាស់​ក្លឹប FC Barcelona ​កំពុង​រៀប​ចំ​គម្រោង​មួយ​ដើម្បី​រក្សា​តុល្យភាព​ក្នុង​ក្រុម ​បន្ទាប់​ពី​គ្មាន​វត្តមាន​របស់ Lionel Messi ​ទៅ។Messi ​វ័យ​៣១​ឆ្នាំ ​រក​គ្រាប់​បាល់​បាន​៥៨១​គ្រាប់ ​និង​បង្ហាញ​ខ្លួន​បាន​៦៦៤​ប្រកួត​ឱ្យ​ក្រុម FC Barcelona។ វីរបុរស​របស់​ក្លឹប​នេះ ​មិន​យូរ​មិន​ឆាប់​ទេ ​រូបគេ​នឹង​និយាយ​ពាក្យ​ថា​ចូល​និវត្តន៍​ពី​បាល់​ទាត់​មិន​ខាន ​ដូច្នេះ​ហើយ​ត្រឹម​វ័យ​នេះ​ក្រុម​អ្នក​មាន​បុណ្យ​ចាប់​ផ្ដើម​គិត​ពី​គម្រោង​ក្រោយ​ខ្សែ​ប្រយុទ្ធ​របស់​ខ្លួន​ចាកចេញ​ហើយ។

លោក Bartomeu ​ដែល​ជា​ប្រធាន​ក្លឹប​បាន​និយាយ​ដូច្នេះ​ថា​៖ “ខ្ញុំ​ដឹង​ថ្ងៃ​ណា​មួយ Messi ​នឹង​និយាយ​ថា​គាត់​ចូល​និវត្ត​ហើយ។ យើង​ត្រូវ​រៀប​ចំ​អនាគត​របស់​ក្លឹប ​ដោយ​មិន​មាន​គាត់​ជួយ​ទៀត​ទេ។ យើង​ត្រូវ​ចុះ​កុងត្រា​យក​កីឡាករ​ក្មេង​ៗ​ល្អ​ៗ​ឱ្យ​បាន​ច្រើន ដើម្បី​អភិវឌ្ឍ​ពួកគេ ​សម្រាប់​ថ្ងៃ​ខាង​មុខ។

យើង​ត្រូវ​រក្សា​ការ​ជោគជ័យ​របស់​យើង​បន្ដ​ទៀត”។Messi ​បាន​ជួយ​ក្រុម​អ្នក​មាន​បុណ្យ​ឈ្នះ​ពាន La Liga ​៩​ដង ​ពាន UEFA Champions League ​បាន​៤​ដង ​និង Copa del Rey ​បាន​៦​ដង៕

ប្រភព៖ BBC