Wenger ៖ ​ខ្ញុំ​នឹង​សម្រេច​ចិត្ត​ដឹក​នាំ Real Madrid ​ឬ​អត់​ក្នុង​រយៈ​ពេល​១៥​ថ្ងៃ​ទៀត

លោក Arsene Wenger ​ត្រូវ​បាន​គេ​គិត​ថា​សក្ដិសម​បំផុត​ក្នុង​ការ​ដឹក​នាំ​ក្រុម Real Madrid ​នៅ​រដូវ​កាល​ថ្មី​ខាង​មុខ​នេះ ក្រោយ​ពី Zidane ​ប្រកាស​ចាកចេញ​ទៅ។

អតីត​អ្នក​ចាត់ការ​ក្រុម Arsenal ​រូប​នេះ ​ក៏​បាន​បង្ហើប​ចំពោះ​រឿង​ដឹក​នាំ Real ​ដែរ​ថា​លោក​នឹង​ធ្វើ​ការ​សម្រេច​ចិត្ត​ថា​ពិត​ជា​ចង់​ដឹក​នាំ​ក្រុម Real Madrid ​ឬ​អត់​នៅ​២​សប្ដាហ៍​ទៀត។ យ៉ាងណាមិញ ​នេះ​ជា​សម្ដី​របស់​លោក Wenger ​ក្រោយ​ពី​មាន​ដំណឹង​ថា​ក្រុម​អធិរាជ​ស ចង់​បាន​លោក​ដឹក​នាំ​ខ្លាំង។

តា​បារាំង ​បាន​និយាយ​ថា​៖ “រឿង​ចង់​ដឹក​នាំ Real ​ឬ​អត់? ចង់​បន្ដ​អាជីព​ឬ​អត់? ខ្ញុំ​នឹង​ឆ្លើយ​ក្នុង​រយៈ​ពេល​១៥​ថ្ងៃ​ទៀត។ ខ្ញុំ​នៅ​ចង់​ដឹក​នាំ​ក្រុម​បាល់ទាត់​ទៀត ខ្ញុំ​នៅ​ពេល​ប៉ុន្មាន​ឆ្នាំ​ទៀត ដើម្បី​ចូល​ប្រឡូក​ក្នុង​វិស័យ​នេះ​វិញ”។ លោក Wenger ​បាន​បង្ហើប​ទៀត​ថា ​ក្រុម Real ​ចង់​បាន​លោក​ដឹក​នាំ​ក្រុម​ប៉ុន្មាន​ដង​មក​ហើយ តាំង​ពី​នៅ​ដឹក​នាំ​ក្រុម Arsenal ​មក​ម្ល៉េះ។

Real Madrid ​បច្ចុប្បន្ន​កំពុង​ស្វែង​រក​អ្នក​ចាត់ការ​ថ្មី ​ដើម្បី​ជំនួស​តំណែង​របស់ Zidane  ប៉ុន្តែ​មិន​ទាន់​ច្បាស់​ថា​ម្នាក់​ណា​នៅ​ឡើយ​ទេ៕

 

ភ្ជាប់ទំនាក់ទំនងជាមួយ CTS SPORT