លោក Pep Guardiola រំពឹងថាក្រុម Manchester City នឹងឡើងលេខ១ជំនួសតំណែងក្រុម Liverpool បាននៅពេលក្រុមរបស់លោកលេងទល់ Everton នៅយប់នេះ។
ក្រុម Man City បច្ចុប្បន្នចាញ់ពិន្ទុក្រុម Liverpool ត្រឹមតែ៣ពិន្ទុប៉ុណ្ណោះ ប៉ុន្តែមានគ្រាប់បាល់ចំណេញច្រើនជាង។ ដូច្នេះហើយ ប្រសិនបើក្រុមរបស់លោក Pep ឈ្នះ Everton បាននោះ ពួកគេនឹងហក់ឡើងទៅតំណែងលេខ១កំពូលតារាងលីគ Premier League វិញហើយ។ ស្របពេលជាមួយគ្នានេះដែរ លោក Pep ក៏រំពឹងថាក្រុមរបស់លោកធ្វើបានសម្រេចដែរ។
“Premier Leaegue គឺគិត Goal Difference ។ ដូច្នេះសារដំបូងដែលខ្ញុំអាចប្រាប់បានគឺត្រូវឈ្នះការប្រកួត បន្ទាប់មក បើអ្នកអាចស៊ុតបាន គឺត្រូវតែស៊ុត ហើយបើអាចរក្សាសំណាញ់ទីបានទៀតគឺរឹតតែល្អ។ បច្ចុប្បន្នគេគិតថាយើងនឹងឈ្នះពានរង្វាន់នៅឆ្នាំនេះ ប៉ុន្ដែយើងនៅចាញ់ពិន្ទុគេដល់៣ពិន្ទុ។ សម្រាប់ខ្ញុំ បើគេឱ្យជ្រើសមួយណាសមជាង ខ្ញុំនឹងយក Liverpool ហើយ”៕ប្រភព៖ Dailymail
