ក្រុម FC Barcelona បានដាក់ឈ្មោះខ្សែប្រយុទ្ធ Lionel Messi ដើម្បីចូលលេងពានរង្វាន់ Copa del Rey វគ្គពាក់កណ្ដាលផ្ដាច់ព្រ័ត្រជើងទី១ ទល់ក្រុម Real Madrid នៅវេលាម៉ោង៣យប់នេះ។
Messi បានរងរបួសជើងអំឡុងពេលលេងទល់ក្រុម Valencia ក្នុងពានរង្វាន់ La Liga ។ របួសនេះហាក់មិនធ្ងន់ធ្ងរអ្វីឡើយ ព្រោះថាក្រុម Barcelona បានដាក់ឈ្មោះរូបគេលេងនៅរាត្រីនេះ ខណៈដែលសាមីខ្លួនក៏បានចូលរួមហ្វឹកហាត់ជាមួយសមាជិកក្រុមដទៃទៀតហើយដែរ។ លោក Valverde អ្នកចាត់ការក្រុម Barcelona បាននិយាយដែរថា លោកដាក់កីឡាករទៅតាមចិត្តរបស់ពួកគេ ប្រសិនណាបើកីឡាករថាខ្លួនមិនអាចលេងបានក៏មិនដាក់ដែរ ហើយបើរូបគេលេងបានហើយ ក៏ត្រូវតែដាក់ឈ្មោះឱ្យលេងតាមហ្នឹង។
កីឡាករ Lionel Messi ធ្លាប់បាននិយាយថាលោកនិងក្លឹបអ្នកមានបុណ្យចង់បានពានរង្វាន់ទាំងអស់ ដោយមិនដែលគិតថាពានណាមួយធំជាងពានណាមួយទេ។ ខណៈដែលពាន Copa del Rey នេះទៀតសោត គឺជាពានដែលពួកគេត្រូវការពារតំណែងជើងឯកផងដែរ៕ប្រភព៖ Dailymail
