លោក Emery អ្នកចាត់ការក្រុម Arsenal មានទ្រង់ចំណាយត្រឹមតែ៤៥លានផោនប៉ុណ្ណោះ ក្នុងការទិញដូរកីឡាករនៅរដូវក្ដៅខាងមុខនេះ។
មិនត្រឹមតែមានកំណត់ប្រាក់ចាយវាយនៅរដូវក្ដៅខាងមុខនោះទេ ដោយសូម្បីតែខែមករាកន្លងទៅនេះ ក្រុម Arsenal ក៏មិនអាចទិញកីឡាករថ្មីបានដែរ បានត្រឹមតែខ្ចីជើងប៉ុណ្ណោះ។ កត្តានេះហើយ កំពុងតែធ្វើឱ្យលោក Emery ពិបាកស្រោចស្រង់ក្លឹបឡើងវិញណាស់ ព្រោះក្រុមដទៃមានការចំណាយច្រើនខ្លាំង ដើម្បីនាំយកកីឡាករល្អៗមករួមក្រុម។
តាមគម្រោងអ្នកចាត់ការក្រុមកាំភ្លើងធំ ត្រៀមយកកីឡាករចូល៣នាក់ទៀត ទើបអាចកែប្រែស្ថានការណ៍បាននៅរដូវកាលក្រោយ។ ប៉ុន្តែទឹកប្រាក់ត្រឹមតែ៤៥លានផោន គឺពិបាកក្នុងការយកបានកីឡាករដល់ទៅ៣នាក់ខ្លាំងណាស់។ ដូច្នេះហើយ ទើបលោក Emery កំពុងតែព្យាយាមពន្យល់ដល់ថ្នាក់លើដើម្បីស្នើលុយបន្ថែមទៀត៕ ប្រភព៖ Dailymail