ក្រុម Liverpool លេងបានត្រឹមស្មើជាមួយក្រុម West Ham ១-១ ប៉ុណ្ណោះនាការប្រកួតលីគកំពូលអង់គ្លេសកាលពីយប់មិញនេះ។
ការលេងបានត្រឹមស្មើនេះដែរ បានធ្វើឱ្យក្រុមរបស់លោក Klopp កំពុងប្រឈមនឹងការបាត់បង់តំណែងកំពូលតារាងមែនទែនហើយ ក្រោយពីពួកគេនាំមុខក្រុមលេខ២ Manchester City ត្រឹមតែ៣ពិន្ទុប៉ុណ្ណោះ គិតត្រឹមសប្ដាហ៍ទី២៥នេះ។ លោក Klopp ក្នុងការបរាជ័យយប់មិញ បានបន្ទោសទៅលើអាជ្ញាកណ្ដាលកាត់សេចក្ដី និងអ្នកចាត់ការក្រុម West Ham ផងដែរ។
ខណៈដែលអ្នកវិភាគជាច្រើនទៀតគិតថាលោក Klopp កំពុងតែពិបាកក្នុងការដាក់កីឡាករចូលលេងនិងការសម្រេចចិត្តនានា ដើម្បីធ្វើយ៉ាងណារក្សាតំណែងកំពូលតារាងឱ្យបាន។ ព្រោះថាក្រុម Man City វិញ ក្រោយពីគំលាតនៅសល់ត្រឹម៣ពិន្ទុនេះ ពួកគេកាន់តែមានកម្លាំងចិត្តបន្ថែមទៀតហើយ៕ប្រភព៖ Dailymail
