សហព័ន្ធបាល់ទាត់អឺរ៉ុប UEFA សម្រេចពិន័យអ្នកចាត់ការ Pep Guardiola ១ប្រកួត ចំពោះរឿងដែលបង្កហេតុ ត្រូវបណ្ដេញចេញពីទីលានប្រកួតពេលប៉ះ Liverpool ។
លោក Pep ត្រូវបានអាជ្ញាកណ្ដាលបណ្ដេញចេញពីទីលាន ដោយសារតែបង្ហាញកាយវិការមិនសមរម្យ អំឡុងការប្រកួត UEFA Champions League វគ្គ៨ក្រុមចុងក្រោយប៉ះជាមួយក្រុម Liverpool។ បើតាមការសម្រេចរបស់ UEFA ដំបូងឡើយ លោក Pep ត្រូវជាប់ពីរប្រកួត នៅរដូវកាលក្រោយ ប៉ុន្តែដោយសារមានការតវ៉ាទើបសម្រួលមក១ប្រកួតវិញ។
ត្បិតតែទទួលយកការពិន័យនេះមែន ប៉ុន្តែអតីតអ្នកចាត់ការក្រុម Barcelona ខាងលើបាននិយាយថាលោកនឹងបន្ដបង្ហាញកាយវិការមិនពេញចិត្តដូចពេលមុនទៀត នៅពេលណាដែលលោកឃើញរឿងអយុត្តិធម៌កើតឡើងចំពោះកីឡាករខ្លួន។ លោក Pep បន្ថែមថាអ្វីដែលត្រឹមត្រូវលោកនឹងគាំទ្រ ប៉ុន្តែអ្វីមិនត្រឹមត្រូវលោកក៏មិនគាំទ្រដែរ។
រំលឹកពី Champions League រដូវកាលមុននេះ ក្រុម Man City ធ្លាក់ដោយសារតែថ្វីជើងរបស់ក្រុម Liverpool ត្រឹមវគ្គ៨ក្រុមចុងក្រោយ ក្នុងលទ្ធផល ៥-១ គិតទាំងពីរជើង៕ប្រភព៖ DailyMail