ក្រុម Real Madrid បានបន្ដជ័យជម្នះទៀតហើយនៅយប់មិញ ដោយយកឈ្នះលើក្រុម Alaves ក្នុងលទ្ធផល ៣-០ ឯណោះ។
៣គ្រាប់នេះដែរ ក៏មាន១គ្រាប់កើតចេញពីជើងរបស់ Vinicius Junior កីឡាករវ័យក្មេងរបស់អធិរាជសផងដែរ។ ហើយវាក៏ជាគ្រាប់បាល់ដំបូងសម្រាប់កីឡាករប្រេស៊ីលរូបនេះឱ្យក្រុម Real Madrid ក្នុងក្របខណ្ឌ La Liga របស់អេស្ប៉ាញ។ បាន៣ពិន្ទុនេះ ក៏ជួយឱ្យក្រុម Real Madrid កាន់តែកៀកជាមួយក្រុម Atletico Madrid ផងដែរ ដោយគំលាតគ្នាត្រឹមតែ២ពិន្ទុប៉ុណ្ណោះ។ ខណៈដែលពួកគេនឹងត្រូវតតាំងគ្នាក្នុងប្រកួតបន្ទាប់នេះហើយនៅចុងសប្ដាហ៍នេះ។
អ្វីដែលគួរឱ្យចាប់អារម្មណ៍ថែមទៀតនោះ ក្រុម Real Madrid មុនប៉ះក្រុម AT Madrid គឺពួកគេត្រូវប៉ះជាមួយក្រុម Barcelona សិន នៅវគ្គពាក់កណ្ដាលផ្ដាច់ព្រ័ត្រ Copa del Rey នៅថ្ងៃពុធនេះ ៕ប្រភព៖ Dailymail
