ខ្សែប្រយុទ្ធ Cristiano Ronaldo រកគ្រាប់បាល់បានទៀតហើយក្នុងការប្រកួតនៅយប់មិញ ប៉ុន្តែមិនអាចឱ្យ Juventus ឈ្នះក្រុម Parma បានឡើយ ដោយបញ្ចប់ត្រឹមលទ្ធផលស្មើ ៣-៣ ប៉ុណ្ណោះ។
ក្រុម Juventus រកគ្រាប់បាល់បានតាំងពីតង់ទី១ ដោយ Ronaldo នៅនាទី៣៦ មុនពេល Rugani ថែមគ្រាប់ទី២បាននៅនាទី៦២។ យ៉ាងណាមិញ Barilla របស់ខាង Parma ក៏រកគ្រាប់បាល់បាន១គ្រាប់វិញភ្លាមដែរ នៅនាទី៦៤។ ភ្លាមនោះ Ronaldo ដដែលក៏អាចរកគ្រាប់បាល់បាន១គ្រាប់បន្ថែមទៀតនៅត្រឹមនាទី៦៦ ប៉ុន្តែវាក៏មិនមានន័យថាក្រុមឈ្នះដែរ ព្រោះកីឡាករ Gervinho របស់ Parma ថែមបាន២គ្រាប់វិញដែរ។ ចប់ការប្រកួត Juventus ៣-៣ Parma ។
គិតត្រឹមប្រកួតយប់មិញអតីតកីឡាករ Real Madrid ខាងលើរកគ្រាប់បាល់បាន១៦គ្រាប់ហើយឱ្យក្រុមសេះបង្កង់នារដូវកាលនេះ ហើយក៏ឈរនៅកំពូលតារាងអ្នករកគ្រាប់បាល់បានច្រើនជាងគេ ជាមួយកីឡាករ Quagliarella របស់ក្រុម Sampdoria ដែរ៕ប្រភព៖ Dailymail