ខ្សែប្រយុទ្ធចំណូលថ្មី Gonzalo Higuain រកគ្រាប់បាល់បាន២គ្រាប់ឯណោះក្នុងការប្រកួតលីគកំពូលអង់គ្លេស ក្នុងជ័យជម្នះឱ្យក្រុម Chelsea ៥-០ លើក្រុម Huddersfield ។
ក្រោយពីបរាជ័យធ្ងន់កកាលពីប្រកួតមុនមក ពេលនេះក្រុម Chelsea អាចស្វែងរកឃើញជ័យជម្នះមកវិញហើយ ដោយឈ្នះលើក្រុម Huddersfield ដល់ទៅ៥ទល់នឹង០ ឯណោះ។ ៥គ្រាប់នេះដែរ ជាការធ្វើបានសម្រេចដោយកីឡាករចំណូលថ្មី Gonzalo Higuain ២គ្រាប់ Eden Hazard ២គ្រាប់ និងDavid Luiz ១គ្រាប់។ ឈ្នះ១ប្រកួតបាន៣ពិន្ទុនេះ ក៏បានធ្វើឱ្យ Chelsea ឡើងទៅលេខ៤បណ្ដោះអាសន្នសិនដែរ ដោយត្រូវរង់ចាំមើលការប្រកួត Arsenal ប៉ះជាមួយ Man City នៅយប់នេះទៀត។
លោក Sarri អ្នកចាត់ការក្រុម Chelsea បាននិយាយចំពោះការប្រកួតនេះថាខ្សែប្រយុទ្ធ Higuain រកបាន២គ្រាប់មែន ប៉ុន្តែនៅមិនទាន់ដល់កម្រិតដែលលោកចង់បាននៅឡើយទេ។ ខណៈដែលការប្រកួតក៏នៅមានច្រើនទៀតដែរ ដែលត្រូវតាមដានបន្ដ៕ប្រភព៖ Dailymail