សហព័ន្ធកីឡាបាល់ទាត់កម្ពុជាបានបញ្ចេញឈ្មោះកីឡាករក្រុម Cambodia All Stars ដើម្បីត្រៀមតតាំងជាមួយក្រុម Muangthong United ក្នុងប្រកួតមិត្តភាពនាថ្ងៃទី៩ខែកុម្ភៈឆ្នាំ២០១៩ខាងមុខនេះហើយ។
បញ្ជីឈ្មោះនោះដែរ គេឃើញថាលោក ភា សុភក្ត្រា បាននាំយកកីឡាករបរទេស៥រូប អមជាមួយកីឡាករកម្ពុជា២២រូបទៀត ដើម្បីមកហ្វឹកហាត់ ត្រៀមប្រកួត។ ដោយដែលលោកបានបញ្ជាក់ពីមុនមកអីចឹង បញ្ជីឈ្មោះក្រុម Cambodia All Stars នៅលើកនេះ នឹងមិនមានវត្តមានកីឡាករសំខាន់របស់កម្ពុជា ចាន់ វឌ្ឍនាកា និង ធារី ចន្ថាប៊ីន ឡើយ ដោយសារតែពួកគេជាប់លេងឱ្យក្រុមនៅប្រទេសម៉ាឡេស៊ី។
នេះជាការប្រកួតមិត្តភាពអន្តរជាតិលើកទី៣ហើយសម្រាប់ក្រុមទាំងពីរខាងលើនេះ។ ដោយកាលពីលើកទី១កន្លងទៅ ខាងក្រុមកម្ពុជាជាអ្នកឈ្នះ និងលើកទី២ ក្រុមភាគីថៃឈ្នះវិញម្ដង។ ដូច្នេះប្រកួតនេះ អាចនិយាយបានថាជាការប្រកួតកាត់សេចក្ដីយកឈ្នះចាញ់មែនទែនហើយ៕
