អបអរ កាតា ​បំបាក់​ក្រុម ​ជប៉ុន ​លើក​ពាន Asian Cup 2019 ​ជា​លើក​ដំបូង​

ក្រុម​កាតា ​ពិត​ជា​មិន​ធម្មតា​មែន ​ដែល​អាច​យក​ឈ្នះ​ក្រុម​ជប៉ុន​ដល់​ទៅ ៣-១ ​នា​ការ​ប្រកួត​ផ្ដាច់ព្រ័ត្រ​ពាន​រង្វាន់ AFC Asian Cup 2019 ​កាល​ពី​យប់មិញ​នេះ។

នៅ​ត្រឹម​តង់​ទី​១ ​ក្រុម​កាតា ​អាច​រក​គ្រាប់​បាល់​បាន​២​គ្រាប់​ទៅ​ហើយ ដែល​ធ្វើ​ឱ្យ​ជប៉ុន​ពិបាក​ក្នុង​ការ​វាយ​បក​វិញ​ណាស់​នៅ​តង់​ទី​២។ យ៉ាងណាមិញ ​ក្រោយ​ពី​ការ​ព្យាយាម​រហូត​មក ​ជប៉ុន​រក​បាន​គ្រាប់​តាម​ពី​ក្រោយ​វិញ​ដែរ​នៅ​ត្រឹម​នាទី​៦៩ ប៉ុន្តែ​វា​មិន​អាច​ជួយ​អ្វី​បាន​ទេ ​ដោយសារ​តែ​កាតា ​បាន​បន្ថែម​គ្រាប់​ទី​៣​ទៀត​ទៅ​ហើយ។ លទ្ធផល ៣-១ ​បាន​រក្សា​រហូត​ដល់​ចប់​ការ​ប្រកួត​តែ​ម្ដង ធ្វើ​ឱ្យ​កាតា ​ក្លាយ​ជា​ម្ចាស់​ជើង​ឯក AFC Asian Cup 2019 ​ជា​លើក​ដំបូង។

នេះ​ជា​ការ​ធ្វើ​បាន​ល្អ​សម្រាប់​កាតា ​លើ​ឆាក​អន្តរជាតិ។ ខណៈ​ដែល​ប្រទេស​នេះ​ក៏​នឹង​ត្រូវ​រៀប​ចំ​ខ្លួន​ធ្វើ​ជា​ម្ចាស់​ផ្ទះ​ព្រឹត្តិការណ៍ World Cup 2022 ​នា​ពេល​ខាង​មុខ​ផង​ដែរ៕ប្រភព៖ Foxsportsasia

 

ភ្ជាប់ទំនាក់ទំនងជាមួយ CTS SPORT