កីឡាករ Hassan Al-Haydos ប្រធានក្រុមជម្រើសជាតិកាតា បានបញ្ជាក់ថាក្រុមរបស់ខ្លួនសន្យាជាមួយអ្នកគាំទ្រទាំងអស់ថានឹងព្យាយាមឱ្យអស់ពីសមត្ថភាពក្នុងការយកឈ្នះជប៉ុននៅរាត្រីនេះ។
ការប្រកួតពានរង្វាន់ AFC Asian Cup 2019 បានឈានដល់វគ្គផ្ដាច់ព្រ័ត្រហើយ រវាងក្រុម កាតា និងជម្រើសជាតិជប៉ុន ដែលការប្រកួតនឹងធ្វើឡើងនៅវេលាម៉ោង៩យប់នេះ។ ជប៉ុន ជាក្រុមខ្លាំងមួយនៅអាស៊ី នឹងធ្លាប់ឈ្នះពានរង្វាន់នេះផងដែរ ខណៈដែលកាតាវិញ ជាក្រុមថ្មីមួយដែលមានឱកាសឡើងមកដល់វគ្គនេះ។
ខ្សែប្រយុទ្ធឆ្នើមរបស់ជម្រើសជាតិកាតា Hassan ក៏បាននិយាយមុនការប្រកួតសំខាន់នេះដែរថា៖ “វាពិតជារកពាក្យនិយាយមិនបានទេ ដើម្បីបង្ហាញពីអារម្មណ៍ដែលបានដល់វគ្កផ្ដាច់ព្រ័ត្រនេះ។ វាពិតជាសំខាន់ខ្លាំងណាស់សម្រាប់យើងដើម្បីឈ្នះវា។ គ្រប់គ្នាដឹងថាប៉ះជប៉ុន គឺពិតជាប្រកួតតានតឹងខ្លាំងណាស់ ហើយវាជាការប្រកួតចុងក្រោយទៀត។ ខ្ញុំនិងក្រុមទាំងមូល បានតាំងចិត្តថានឹងធ្វើឱ្យបានល្អបំផុត ដើម្បីយកពានរង្វាន់ទៅប្រទេសយើងវិញ”៕ប្រភព៖ Foxsportsasia
Japan vs Qatar during their AFC Asian Cup UAE 2019 Final match at Zayed Sports City stadium on 01 February 2019, in Abu Dhabi, UAE. Photo by Stringer / Lagardere Sports