ក្លឹបបិសាចក្រហម រំពឹងថានឹងចុះកុងត្រាយកកីឡាករ Fred របស់ក្រុម Shakhtar Donetsk ឆាប់ៗនេះ បន្ទាប់ពីក្លឹបចរចាត្រូវគ្នា លើតម្លៃខ្លួន៥៣លានផោន។
បើតាមប្រភព បានបញ្ជាក់ថា Fred ដែលកំពុងហ្វឹកហាត់ជាមួយក្រុមប្រេស៊ីលនៅអង់គ្លេស បានចាកចេញពីជុំរំហ្វឹកហាត់ ទៅក្លឹប Manchester United នៅថ្ងៃនេះ ដើម្បីធ្វើតេស្ដសុខភាព និងសម្រេចចុះកុងត្រាតែម្ដង។ ខ្សែបម្រើ Shakhtar Donetsk រូបនេះ ក៏បានរួមចំណែកជួយក្រុមប្រេស៊ីលឈ្នះក្រូអាត ២-០ កាលពីយប់មិញនេះផងដែរ។
កីឡាករវ័យ២៥ឆ្នាំរូបនេះ ក៏ត្រូវបានក្លឹប Manchester City ចង់បានដែរ ប៉ុន្តែមិនហានឱ្យតម្លៃខ្លួនខ្ពស់ដូចខាងក្លឹបបិសាចក្រហម ទើបការសម្រេចផ្ទេរមិនបានសម្រេច។ ស្របពេលដែល Gabriel Jesus កីឡាករលេងនៅក្លឹប Man City ក៏បាននិយាយដែរថា ខ្លួនសុំមិនបញ្ជាក់ចំពោះអនាគតរបស់មិត្តរួមក្រុមប្រេស៊ីលម្នាក់នេះទេ៕ប្រភព៖ DailyMail
