Martial ​យល់​ព្រម​បន្ដ​កុងត្រា​ជាមួយ Man Utd ​៥​ឆ្នាំ​ទៀត

ខ្សែ​ប្រយុទ្ធ Anthony Martial ​បាន​យល់​ព្រម​បន្ដ​កុងត្រា​ជាមួយ​ក្រុម​បិសាច​ក្រហម Manchester United ​៥​ឆ្នាំ​កន្លះ​ទៀត​ហើយ ​ដោយ​ទទួល​បាន​តម្លៃ​ពលកម្ម​២​សែន​ផោន ​ក្នុង​១​សប្ដាហ៍។

កីឡាករ​បារាំង​រូប​នេះ ​មាន​ដំណឹង​ថា​ចង់​ចាកចេញ​ពី​ក្លឹប​នេះ ​ក្រោម​ការ​ដឹក​នាំ​របស់​លោក Jose Mourinho ​។ ប៉ុន្តែ​ក្រោយ​ពី​លោក Ole ​ចូល​កាន់​តំណែង​មក ​វត្តមាន​របស់​គេ​បាន​ក្លាយ​ជា​តួ​អង្គ​សំខាន់​នៅ​ក្នុង​ក្រុម ​ដូច្នេះ​ហើយ​ទើប​បាន​ជា Martial ​សម្រេច​បន្ដ​អាជីព​នៅ Old Trafford ​នេះ​ទៀត ​ដល់​ទៅ​ឆ្នាំ​២០២៤។  ​អតីត​កីឡាករ Monaco  ​បាន​និយាយ​ក្រោយ​ពី​ចុះ​កុងត្រា​ថ្មី​ហើយ​​ថា​៖ “ខ្ញុំ​ស្រលាញ់​ពេល​វេលា​ដែល​លេង​ឱ្យ​ក្រុម​នេះ។ ចាប់​ពី​ពេល​ខ្ញុំ​ចូល​រួម​មក ​ខ្ញុំ​មាន​អារម្មណ៍​ដូច​កំពុង​នៅ​ក្នុង​គ្រួសារ​មួយ​អីចឹង ​ហើយ​មិន​ចង់​ចេញ​ទៅ​ណា​ទេ”។

កីឡាករ​វ័យ​២៣​ឆ្នាំ​នេះ ចូល​លេង​ឱ្យ​ក្រុម​បិសាច​ក្រហម​តាំង​ពី​ឆ្នាំ​២០១៥​មក ​ហើយ​គិត​មក​ដល់​បច្ចុប្បន្ន​នេះ​បង្ហាញ​ខ្លួន​លើ​ទីលាន​បាន​១៦១​ដង ​រក​គ្រាប់​បាល់​បាន​៤៦​គ្រាប់​និង​បញ្ជូន​បាល់​ឱ្យ​មិត្ត​រួម​ក្រុម​បាន​២៦​គ្រាប់​ផង​ដែរ៕ប្រភព៖ Dailymail

ភ្ជាប់ទំនាក់ទំនងជាមួយ CTS SPORT