ក្រុម FC Barcelona បានវាយបកយកឈ្នះបានវិញ ក្នុងការប្រកួតជើងទី២ ទល់ក្រុម Sevilla ដោយយកឈ្នះក្នុងលទ្ធផល ៦-១ ដើម្បីឡើងទៅវគ្គបន្ដពានរង្វាន់ Copa del Rey។ សរុបទាំងពីរជើង ៦-៣។
ក្រុមអ្នកមានបុណ្យបានបរាជ័យ ២-០ កាលពីជើងទី១នៅទឹកដីរបស់ Sevilla ។ យ៉ាងណាមិញនៅទឹកដីខ្លួនឯងវិញនៅយប់មិញ ពួកគេលេងដោយទំនុកចិត្តនិងស្វែងរកគ្រាប់បាល់ខ្លាំងមែនទែន រហូតធ្វើបានសម្រេចជាបន្ដបន្ទាប់ ដល់ចប់៩០នាទី ឈ្នះក្នុងលទ្ធផល ៦-១។ តាមលទ្ធផលនេះ គឺក្រុម Barcelona មានឱកាសឡើងទៅវគ្គបន្ដហើយ ព្រោះសរុបទាំងពីរជើងទៅ ពួកគេឈ្នះ ៦-៣។
ក្រុម Barca បានឈានដល់វគ្គពាក់កណ្ដាលផ្ដាច់ព្រ័ត្រហើយ ខណៈដែលក្រុមនេះទៀតសោតជាក្រុមការពារតំណែងជើងឯក។ បើមើលទៅការប្រកួតពានរង្វាន់នេះវិញ គេសង្កេតឃើញថានៅសល់តែក្រុម Real Madrid មួយទេ ដែលជារនាំងធំសម្រាប់ក្រុម Barcelona ៕ប្រភព៖ Dailymailhttps://www.dailymail.co.uk/sport/football/article-6650129/Philippe-Coutinho-scores-brace-Catalan-giants-reverse-two-goal-deficit.html